سكرەك ل زاخۆ دێ هێتە دروستكرن
زاخۆ، دلۆڤان هالۆ:
ل ئیدارەیا سەربخوە یا زاخۆ، بەرێ بنیاتی بۆ سكرەكێ ئاڤێ هاتە دانان كو دێ كەڤیتە د خزمەتا جۆتیارێن زاخۆ دا.
شڤان عەبدی، بەرپڕسێ ڕاگەهاندنا ئیدارەیا سەربخوە یا زاخۆ بۆ ڕۆژناما ئەڤرۆ دیار كر كو دوهی 26/2/2023 ل ژێر چاڤدێریا گۆهدار شێخۆ، سەرپەرشتێ ئیدارەیا سەربخوە یا زاخۆ و ب ئامادەبوونا دكتۆر محەمەد شوكری، سەرۆكێ دەستەیا گشتی یا وەربەهێنانا حوكمەتا هەرێما كوردستانێ، بەرێ بنیاتی بۆ پڕۆژێ دروستكرنا سكرێ زێوك سندی ل سنوورێ ئیدارەیا سەربخوە یا زاخۆ هاتە دانان. بەرپڕسێ ڕاگەهاندنا ئیدارەیا سەربخوە یا زاخۆ ئاماژە ب وێ چەندێ ژی كر، ئەڤ سكرە ب گوژمێ 454 ملیۆن دیناران دێ هێتە بجهئینان.
