سندۆقا دراڤێ نێڤده‌وله‌تی : رێژا بێكاریێ ل عێراقێ 40 % بوراندیە
ئەڤرۆ نیوز ، زنار تۆڤی :
سندۆقا دراڤێ نێڤده‌وله‌تی د راپۆرتا خوە دا راگه‌هاندیە: کو رێژا هه‌ژاریێ ل ناڤا ته‌خا گه‌نجێن عێراقێ دا بلندبوویه و هەروەسا 40% ده‌ربازكریه.
د راپۆرته‌كێ دا سندۆقا دراڤێ نێڤدوله‌تی ئاشكرا كریە : کو رێژا بێكاریێ ل ناڤا گه‌نجان ل وه‌لاته‌كێ زه‌نگین ب په‌ترۆلێ وه‌ك عێراقێ بلندبوویه و 40% بوراندیه ، هەروەسا رێژا بێکاریێ د ناڤا ژنان ژی دا گه‌هشتیه نێزیكی 85%، د ده‌مه‌كی دا رێژه‌یا بێكاریێ ل وه‌لاته‌كێ وه‌ك قه‌ته‌رێ كێمترێن رێژه‌یا بێكاریێ هه‌یه و 5% یه.
جهێ ئاماژه پێكرنێ یه كو وه‌زاره‌تا پلاندانا عێراقێ ل سالا 2015 پێشبینی كربوو ، کو ژ به‌ر خرابیا ره‌وشا ئێمناهیێ رێژا بێكاریێ بلند ببیت و بگه‌هیته نێزیكی 30% ، لێ ل سالا 2018 ئەڤ رێژە بلندبوویە و گەهشتە 40%.
