سه‌ده‌مێ سه‌ره‌كی یێ لهه‌ڤنه‌هاتنا پارتێن هه‌رێما كوردستانێ
ئه‌ڤرۆنیۆز، سالار دۆسكى:
چاڤدێره‌كێ سیاسى دبێژیت دڤێت پێنگاڤ ب رژدى بهێنه هاڤێتن بۆ گه‌هشتن ب لهه‌ڤهاتن و سازانێ ل سه‌ر پرسا سه‌رۆكاتیا هه‌رێما كوردستانێ.
قاسم حسێن چاڤدێرێ سیاسى بۆ مالپه‌رێ ئه‌ڤرۆ نیۆز گۆت: ئه‌م دقه‌یرانان دا دبورین، لێ مه كوردان هه‌ر ئه‌ڤه دیتى یه بۆ دیتنا چاره‌سه‌ریه‌كێ پێدڤى ب ده‌مى نه، حوكمه‌تا پارێزگه‌ها سلێمانیێ و هه‌تا پێكئینانا حوكمه‌تێ و هه‌تا شه‌رێ نافخوه‌یى ژى پتر ژ 105 كومبوونا هاتنه‌كرن، لێ دڤێت پێنگاڤ ب رژدى دتر بهێنه هاڤێتن، ئاریشا هه‌ره مه‌زن دناڤبه‌را پارتێن كوردستانى دا نه‌بوونا باوه‌ریێ یه، شه‌رێ شكاندنا ئیرادا ئێك دوویه و ئه‌ڤه‌ر ده‌ركه‌فتنه ژ كومبوونێن كار بكه‌ى بۆ گه‌هاندنا ئارمانجه‌كێ و سازانه‌كێ كو خزمه‌تا خه‌لكى دا كار بكه‌ى.
قاسم حسێن ئاشكراكر ژى كو گڤاشتنێن ئه‌مریكا و بریتانیا و یوئێنێ هه‌نه كو دڤێت ل سه‌ر پرسا سه‌رۆكاتیا هه‌رێما كوردستانێ بگه‌هه‌نه ئارمانجه‌كێ و كومبوونا داهاتى دێ یا هه‌بیت ،ژبه‌ركو پرۆژه ب نڤسین دێ هێنه پێشكێشكرن و دێ به‌رسڤ ل سه‌ر هه‌بن.
