سه‌ره‌راى وه‌كهه‌ڤیێ زێدان ژ ئاستێ یاریزانێن خوه یێ رازیبوو
ئه‌ڤرۆ نیوز:
پشتى ل شه‌ڤا بورى یانا ریال مه‌درید نه‌شیا سه‌ركه‌فتنێ ل ناڤ ئه‌رد و یاریگه‌ها خوه توماربكه‌ت ده‌مێ وه‌كهه‌ڤبووى ل گه‌ل یانا سالتاڤیگو ب دو گولان ژ چارچوڤێ یاریێن گه‌را 24 ژ خۆلا لالیگا ئیسپانیا .
راهێنه‌رێ یانا ریال مه‌درید پشتى وێ یاریێ دیاركر یانا سالتاڤیگو ژ هه‌ژى وێ رێزبه‌ندێ نینه ئه‌وا نوكه د لیستا خولێ دا ژبه‌ركو ئه‌و تیمه‌كا ب هێزه و یاریه‌كا جوان دكه‌ن و وێ یانێ ئاسته‌كێ هونه‌رى یێ بلند به‌رامبه‌ر ئه‌وان پێشكێشكر لێ ئه‌و یێ دلگرانه به‌رامبه‌ر ده‌ستدانا دو خالان ل ناڤا یاریگه‌ها خوه ژبه‌ركو ل سه‌ر ئه‌وان پێدڤیێ هه‌موو یاریان هزر ل سه‌ركه‌فتنێ بكه‌ن تایبه‌ت یاریێن یاریگه‌ها خوه.
زێده‌تر زێدان دیاركر ده‌مێ توماركرنا گولا وه‌كهه‌ڤیێ ل سه‌ر ئه‌وان د ده‌مه‌كێ نه باش دا هات ئه‌وژى كو ل 5 ده‌قیقه‌یێن دووماهیێ قه‌ره‌بولكرنا وێ یا ب زه‌حمه‌ت بوو هه‌ردیسان ئه‌و یێ دلگران بوو ژبه‌ر یاریزانێن خوه ژبه‌ركو یاریزان هه‌ر تشته‌ك د یاریێ دا كر و ئاسته‌كێ بلند پێشكێشكر بتنێ ئه‌و نه‌شیان سێ خالێن یاریێ ب ده‌ستخوڤه بینن و ئه‌و گه‌له‌ك ژ ئاستێ یاریزانێن خوه یێ رازیبوو .
