سه‌رۆكا وه‌لاته‌كی ئاماده‌ییا خوه‌ بۆ ناڤبه‌ركاریێ د قه‌یرانا كۆریا باكۆر دا دیار كر

ئه‌ڤرۆ نیوز:
سه‌رۆكا سویسرا، دوریس لووتارد ئاماده‌ییا خوه‌ و وه‌لاتێ خوه‌ ده‌ربری بۆ وێ یه‌كێ رۆلێ ناڤبه‌ركاریێ بگێریت ب مه‌ره‌ما چاره‌سه‌ركرنا قه‌یرانا كۆریا باكۆر.
لووتاردێ دیار كر: وه‌لاتێ وێ به‌رهه‌ڤه‌ دانوستانێن چاره‌سه‌ركرنا مژارا كۆریا مێڤان بكه‌ت و ناڤبه‌ركاریێ بكه‌ت.
ناڤهاتیێ گۆت: سه‌ربازێن سویسری ل سه‌ر هێلا سنۆری یا كۆریا باكۆر و كۆریا باشۆر هه‌نه‌، وه‌لاتێ وێ د گه‌ل سوید دا دیرۆكه‌كا درێژ هه‌یه‌ د گێرانا رۆله‌كێ بێلایه‌ن دا د چاره‌سه‌ركرنا ئاریشه‌ و قه‌یرانێن جیهانی دا.
سه‌رۆكا سویسرا نه‌ڤه‌شارت ژی كو پێدڤییه‌ چین و ئه‌مریكا ژی پشكا خوه‌ ژ به‌رپرسیاریێ هه‌لگرن و هۆشداری ژ زێده‌رووییكرنان د كارڤه‌دانان دا دان.

کۆمێنتا تە