سه‌رۆكوه‌زیرێ ئه‌رمه‌نستانێ هه‌مبه‌ری خوه‌نیشاندانێن مه‌زن ده‌ست ژكار كێشا
ئه‌ڤرۆ نیوز:
سه‌رۆكوه‌زیرێ ئه‌رمه‌نستانێ سێرژ سه‌رگیسیان، ده‌ستژكاركێشانا خوه راگه‌هاند پشتی خه‌لكی خوه‌نیشاندانێن مه‌زن بۆ چه‌ندین رۆژان بێ راوه‌ستییان دژی په‌سه‌ندكرنا وی وه‌ك سه‌رۆكوه‌زیر ژ ئالیی په‌رله‌مانی ڤه كرین.
پشته‌ڤانێن ئۆپۆزسیۆنێ سه‌رگیسیان ب وێ یه‌كێ سووچبار دكر كو خوه ب ده‌ستهه‌لاتێ ڤه چركرییه.
به‌ری دو حه‌فتییان پشتی دو گه‌رێن پێنج سالی وه‌ك سه‌رۆك ته‌مام كرین سه‌رگیسیان وه‌ك سه‌رۆكوه‌زیر ژ ئالیێ په‌رله‌مانی ڤه هات هه‌لبژارتن وێ یه‌كێ ژی جاده دژی بریارێ لڤاند.
ل سالا 2015ێ ئه‌رمه‌نستانێ د رێفراندۆمه‌كێ دا سیسته‌مێ سه‌رۆكاتیێ بۆ په‌رله‌مانی گوهارت بوو.
هه‌ر دوهی دوسه‌د خوه‌نیشانده‌ر و سه‌رۆكێ ئۆپۆزسیۆنێ پشتی هاتینه گرتن هاتنه ئازادكرن.
خوه‌نیشانده‌ران رێیێن هه‌می ئاڤاهیێن فه‌رمی و سه‌ره‌كی گرتبوون.
