سوباهى جوتیارێن پارێزگەها دهۆكێ دێ چەكێن گەنمێ ئەڤ ساله وەرگرن
ئەڤرۆ نیوز،بارزان مزووری:
رێڤەبەرێ سایلۆیا شێخان بۆ ئەڤرۆ نیوز دیار كرسوباهى چارشەمبی 4/9/2019 چەكێن پارێ گەنمێ جوتیارا یێ ئەڤ ساله دێ ل سەر جوتیارێن قەزا شێخان و بەردەرەش و ئاكرێ هێنە به‌لاڤكرن.
مازن گاڤان،رێڤەبەرێ سایلویا شێخان بۆ ئەڤرۆ نیوز دیار كر 8 ملیار و 800 ملیۆن دینار پارێ جوتیارێن قەزا شێخان و بەردەرەش و ئاكرێ گەهشتیە بەنكا شێخان داخاز ل جوتیارێن وان هەرسێ قەزایا دكەین رۆژا چارشەمبی سەرەدانا سایلویا شێخان بكەن بۆ وەرگرتنا چەكێن پارەی یێن سالا 2019 ،
گوتژی:20 ملیار دینار بۆ سێ سایلویێن پارێزگەها دهوك یێن هاتین مەزاختن ژلایێ وەزارەتا بازرگانی یا عێراقێ بۆ سایلویێن شێخان و فه‌یدیێ و زاخۆ رۆژا چارشەمبی پرۆسەیا به‌لاڤكرنا چەكی دێ ل هەموو سایلویان دەست پێ كەت،
مازن گاڤان ئاشكرا ژی كر،لدوڤ بریارا وەزارەتا بازرگانی یا عێراقێ هەر جوتیارەكی رێژا 1% پارێ جوتیارا بەركوشتیە، ئەڤ سال سایلویا شێخان 57 هزار 800 تەنێن گەنمێن جوتیارێن قەزایێن بەردەرەش و ئاكرێ و شێخان وەرگرتیە.