سوباهى پيشانگه‌هه‌كا په‌رتۆكان ل دهۆكێ دێ هێته ڤه‌كرن
ئه‌ڤرۆنيوز:
سوباهى شه‌مبيێ 24/2/2018، پيشانگه‌هه‌كا په‌رتۆكان دێ ل زانكۆيا جيهان ل حه‌وشكێ هێته ڤه‌كرن وبۆ ده‌مێ 5 رۆژان دێ يا به‌رده‌وام بيت.
بورهان يه‌حيا ژ رێڤه‌به‌ريا راگه‌هاندن وچاپ وبه‌لاڤكرنێ ل دهۆكێ بۆ ئه‌ڤرۆنيوز گۆت” پيشانگه‌ه دێ ژلايێ رێڤه‌به‌ريا مه ڤه هێته ڤه‌كرن وب چاڤدێريا دكتۆر زێره‌ڤان عه‌بدولمحسن سه‌رۆكێ زانكۆيا جيهان، ودێ هه‌تا رۆژا چارشه‌مبى 28/2/2018 يا به‌رده‌وام بيت”.
گۆت ژى” چه‌ندين په‌رتۆكخانێن دهۆكێ ژى دێ پشكداريێ دوێ پيشانگه‌هێ دا كه‌ن وداشكاندن ژى ل سه‌ر بهايێ په‌رتۆكان يا هه‌ى”.
