سوباهی ئێكەتی دێ مەكتەبا سیاسی یا نوو هەلبژێریت
ئەڤرۆ نیۆز:
سوباهی جڤاتا سەركردایەتیا ئێكەتیێ دێ كۆم بیت ومەكتەبا سیاسی یا نوو كو ژ 11 ئەندامان پێكهێت هه‌لبژێريت.
ئەندامەكێ سەركردایەتیا ئێكەتیێ بۆ دوارۆژ گۆت” د ۆوونشتنا دویێ یا جڤاتا سەركردایەتیا ئێكەتیێ كو بریارە سوباهی 6 چریا دویێ بهێتە ئەنجامدان، دێ 11 كەس بۆ ئەندامەتیا مەكتەبا سیاسی یا نوو وەكو دەستەیەكا كارگێری كو دێ ناڤەك ل سەر هێتە دانان بۆ سەرپەرشتیكرنا كاروبارێن ئێكەتیێ”.
وێ سەركردێ ئێكەتیێ كو ژبەر هەستاریا بابەتی، نەڤیا ناڤێ وی بهێتە دیاركرن، گۆت ژی” ئەو 11 كەسە دێ ل دووڤ دەڤەران هێنە هەلبژارتن كو 2 كەس ژ هەولێرێ و2 كەس ژ سلێمانیێ و2 كەس بۆ گەرمیان و كەسەك بۆ هەر ئێك ژ بەهدینان و رانیا وشارەزوور و تنێ ئەندامێن جڤاتا سەركردایەتیێ مافێ خوە بەربژاركرنێ یێ هەی”.
دیاركر ژی” پێشنیاز یا هاتیە كرن ل رۆژا ئێكێ ئادارا 2018 ێ كونگرێ ئێكەتیێ بهێتە ئەنجامدان، بەلێ نەبوویە بریار و دبیت دروونشتنا دویێ یا كۆمبوونا سوباهی بریار ل سەر ژڤانێ كونگرەی بهێتە دان”.
