سوباھی ل باژێرێ دھۆکێ دو ب ھێزترین یاری دێ ھێنەکرن
ئەڤرۆ نیوز، ھەژار مەعروف:
بریارە سوباھی یاریێن گەرا پێنجێ ژ خۆلا پلا نایاب یا ھەرێما کوردستانێ بھێنەکرن و بریارە دو ب ھێزترین یاری سوباھی ل پارێزگەھا دھۆکێ بھێنەکرن کو تیما دھۆک سەرکێشا کوما دوێ دێ مێڤانداریا یانا نەوروز کەت و تیما گارە دێ ل یاریگەھا خوە ل گەل پێشمەرگا ھەولێرێ کەت.
تیما دھۆک ئەوا نوکە ب ھەشت خالان سەرێ لیستەیا کۆما دوێ دھێت دێ ل گەل تیما نەوروز کەت خودانا پێنج خالان کو دڤێ یاریێ دا ھەردو تیم دێ بزاڤێ کەن بۆ سێ خالێن یاریێ تیما دھۆک د پێکھاتیەکێ تمام دا دێ یاریێ کەت و ھژارەکا یاریکەرێن تیما خۆلا عیراقێ ل پێکھاتیێ تیمێ زێدەکری نە بەرامبەر تیما نەوروز ئەوا ل وەرزێ ئەڤ سالە خودان پێکھاتیەکێ باش و ئێک ژ ئەوان تیما بۆ ھەڤرکیا ناسناڤێ خولێ بۆ ڤێ یاریێ د بەرھەڤیەکا باش دایە.
ژلایەکێ دیڤە د یاریەکا مانشێتێ وی کی دێ کێ خوسارەت کەت کو ئەوژی گارە و پێشمەرگا ھەولێرێ دڤێ یاریێ دا ھەردو تیم چاڤێ ئەوان دێ ل سێ خالێن یاریێ بن تایبەت تیما گارە ھەر ئەنجامەکێ نە چاڤەرێکری دێ ئەرکێ وێ ب زحمەت بیت بۆ یاریێن قوناغا دوێ بەرامبەر تیما پێشمەرگە دخوازیت ڤێ یاریێ ب خالێن یاریێ ڤەگەریت داکو رێیا خوە خوشتر لێبکەت بۆ دەربازبوونێ و بەردەوامی ل سەر ھەڤرکیا ناسناڤێ وەرزێ ئەڤ سالە.
