سوننەیێن عێراقێ:ئەم نەشێین وەکی جاران ل گەل بەغدا بژین
ئەڤرۆنیۆز،رێژین نهێلی:
ئەڤرۆ پێنجشەمبی ل هه‌ولێرا پایته‌ختێ هه‌رێما كوردستانێ،كۆنگرەیێ هۆزێن عه‌ره‌بێن سوننە ل عێراقێ برێڤەچوو،هەروەسا د به‌یاننامه‌یه‌كێ دا ل دژی هه‌موو وان بریارێن په‌رله‌مانێ عێراقێ راوەستان ئەوێن کو ل به‌رامبه‌ری هه‌رێما كوردستانێ هاتینە دەرخستن و ب کارەسات ل قەلەم دان و گوت ژی ،ئەم وه‌ك سوننەیێن عێراقێ داخوازا دیارکرنا مافێ چاره‌نڤیسێ خوە دکەین.
د كۆنگره‌یدا كو هۆزێن عه‌ره‌بێن سوننه مه‌زهه‌ب یێن شه‌ش پارێزگەهێن عێراق ب گشتی و دەڤەرێن كوردستانی ب تایبه‌تی به‌شدار بوون،هه‌لویستێ خوە ل سه‌ر بارودۆخێ نوویێ كوردستانێ و ره‌وشا حوكمرانیێ ل عێراقێ دیارکر و ل دژی وان بریاران راوەستان، ئەوێن کو ل په‌رله‌مانێ عێراقێ ل دژی كوردستانێ هاتینە دان و وان سزادانا كوردستانیان ژلایێ بەغدا ڤە رەدکر.
هەر دڤی كۆنگره‌یێ روژنامەڤانی دا بەحس ل وێ چەندێ ژی کر و گوت،كوردستانێ ئەم ژ مرنێ رزگار کرینە و نابیت د به‌رامبه‌ردا بێ دەنگ بین و ئەم هه‌لویستێ كوردستانێ ژبیر ناكه‌ین