سویسرا سزا بۆ وان ژنان دیار كر یێن له‌چكێ دكه‌نێ
ئه‌ڤرۆنیۆز، ئه‌یاد به‌رواری
باژێرڤانیا (تیتشینۆ) یا سویسری بریار دا هه‌ر ژنه‌كا له‌چكێ ل جهێن گشتی بكه‌ته به‌رخوه كو هه‌موو دێمێ وێ ڤه‌گریت، ب 6500 یورۆیان بهێته سزادان.
ل دووڤ رۆژناما (دیلی میل) یا بریتانی، وێ باژێرڤانیا سویسری بریاردایه هه‌ر ژنه‌كا له‌چكری ل هۆلێن سینه‌مایێ و قوتابخانا و جهێن بازرگانی و جاده‌یان بهێته دیتن دێ تووشی سزادانێ بیت.
ئه‌و قانوونا نوو به‌حس ل وێ چه‌ندێ دكه‌ت كو ئه‌و ژن دێ هێنه سزادان یێن هه‌موو دێمێ خوه ب له‌چكێ به‌رزه‌دكه‌ن و ژ وان ژنان ناگریت یێن ده‌رسوك ل سه‌ری و دێمێ وان یێ دیار.