سۆشیال مەدیایێ ئەم ئیناینە د بازاڕی دا
هەرهین محەمەد
ئاڤان سەهمی لەتیف، كچەكا دەستڕەنگینا دهۆكێ یە، د دیدارەكێ دا بۆ ئەڤرۆ دبێژیت: بۆ دەمێ دو هەیڤان وەكو خۆبەخش چوومە جهەكی چێكرنا دیكۆرو گولان من خوە فێری كاری دكر و ل وێرێ من ل سەر كۆمپیۆتەری و ئامیرێ كامیۆ كاردكر ئەو ئامیرە بۆ بڕینا نڤیسینێ دهاتە بكارئینان و ئەو نڤیسینە بۆ گەلەك تشتان دهاتە بكارئینان وەكو تابلۆیێن نیشانی و خازگینیا و دەوات و ئاهەنگێن دەرچوونێ، دیسان مە ل سەر ئامیرەكی ژی كاردكر وێنە و ناڤ و لوگۆ مە دانانە سەر تیشێرت و گلاس و گەلەك تشتێن دی.
ئاڤانێ گۆت: ئەم كارێ چێكرنا دەستە گولان و دیكۆرێن زاڕۆكێن ژنوو ژدایك دبن و رۆژبوونان و دیكۆرێن كەسێن جهەكی ژنوو ڤە دكەن و ئاهەنگ و شەهیانان و دیسان هەرتشتەكێ گرێدایی هەلكەفتێ بیت ئەم دشێن وی تشتی بۆ ئامادە دكەین وەكو شریناهی و سێنیكێن خەنا و نیشانی و دیسان كارتێن دەواتان دهێنە بكار ئینان كو پێ بخێرهاتنا مێڤانان دكەن دیسان شالێن دەرچوونێ و خەملاندنا ترۆمبێلان و بۆكسێن دیاریان و ئەو تشتێن ئەم بكارتینین بۆ كارێ خوە پتریا وان ئەم ل دهۆكێ ب دەست خوە ڤە دئینین و د بەرمنامێ مەدایە كارێ خوە بەرفرەهتر لێ بكەین و سۆشیال مەدیایێ و كارێ مەیێ بالكێش گەلەك زوو ئەم ئیناینە دبازاڕی دا و ئەز خویشكا خۆ گەلەك خەمێ ژ كارێ خۆ دخۆین.
