سۆشیال مەدیا بوویە پێگەهێ سەرەكی یێ بینەران
هەرهین محەمەد
مەدیاكار (جەگەر بەلۆ) د دیدارەكێ دا بۆ رۆژنامەیا ئەڤرۆ گۆت: راگەهاندن وەكی شیرەكێ دوسەرە، ژلایەكێ دی ڤە تورێن جڤاكی ئازادییا گەهاندنا پێزانیان زێدەكریە و ژلایەكێ دی ڤە نەبوونا فلتەر و پرۆفیشینالیا رۆژنامەڤانی بوویە ئەگەرێ بەلاڤبوونا دەنگو باسێن سەختە و ئەركێ رۆژنامەڤانی ڕژد ئەڤرۆ ئەوە كو پێزانینان پشت راست بكەت و مەزنترین ئاستەنگ گەهستنا پێزانینێن دروستە، چنكو هێشتا دجڤاكێ مەدا پێزانین ب ساناهی ناكەڤنە دەستێ رۆژنامەڤانی و زێدەباری ڤێ چەندێ فشارێن سیاسی دناڤ جیهانا مەدیایێ دا و كارەكتەرێ سەربەخۆ یێ رۆژنامەڤانی دەستنیشان دكەنە ژێر فشارێ.
هەروەسا گۆت: دو سالان من بەرنامەیێ (شەڤگەڕ) ل مەها رەمەزانا پیرۆز پێشكێش دكر و بەردەوام گوهۆڕینان تێدا دكەم و نوكە ژی ئامادەكاریێن باش بۆ هەمان بەرنامەمە و هەمان هەیڤ دكەم و من ل بەرە پتر گوهۆڕینان تێدا بكەم و سوپاس بۆ خودێ سالا بۆری ژی گەلەك بینەرەكێ باش هەبوو، بەلگە ژی ل سەر ڤێ چەندێ گەلەك پارچەیێن بەرنامەی گەلەك پەیچان ل دەف خۆ بەلاڤ دكرن و هەتا نوكە ژی د دیارن دسۆشیالێ دا
و ئەڤرۆ سۆشیال مەدیا بوویە پێگەهێ سەرەكی یێ بینەران پەیامێ زووتر دگەهینتە خەلكی و كارتێكرنەكا ئێكسەر ل گەل بینەری چێدكەت و ئەڤ ئازادیە و نێزیكبوونا ل دلێ بینەری وە دكەت كو سۆشیال مەدیا ببیتە بژاردەیا مە یا ئێكێ.
