سیروان بارزانى:فه‌ره چه‌كێ پێشمه‌رگه‌ى ل موزه‌خانێن جیهانى بهێتە نیشاندان
ئه‌ڤرۆ نیۆز،ره‌مه‌زان هه‌رنى:
د چارچوڤێ دیدارا پێشمه‌رگه‌ی دا ل هه‌ولێرا پایته‌ختێ كوردستانێ به‌رپرسێ میحوه‌رێ گوێر – مەخمور دیاركر:پێشمه‌رگه گه‌له‌ك یێ ب هێزه ب تایبه‌تى ژلایێ مه‌شق و راهێنانێن سه‌ربازى ڤه،چونکی ژلایى َهێزێن هه‌ڤپه‌یمانان ڤە دهێنه مه‌شقكرن،لێ حوکمه‌تا عیراقێ رێگری دکر ل وان چه‌ك و هاریكاریێن ژلایێ هه‌ڤپه‌یمانێن ل دژى داعش ڤە بۆ پێشمه‌رگه‌ى دهاتنه هنارتن.
سیروان بارزانى به‌رپرسێ میحوه‌رێ گوێر – مەخمور خویاكر ژى:نها ئەم به‌ره‌ڤ سه‌ربه‌خویا كوردستانێ دچین و چه‌ند رۆژه‌كێن كێم ماینه بۆ رێفراندومێ، هه‌روه‌سا ل ده‌مێ شه‌رێ داعش مه وه‌ك پێدڤى چه‌ك د ده‌ستدا نه‌بوو،لەورا فه‌ره چه‌كێ پێشمه‌رگه‌ى ل موزه‌خانێن جیهانی بۆ خەلکێ بهێنە نیشاندان.
دیدارا پێشمه‌رگه‌ى ل هەولێرێ ژلایێ گوڤارا سه‌نگه‌ر و پێشمه‌رگه و فه‌رمانده‌یا زێره‌ڤانیێ هاتیه رێكخستن وه‌ك ئێكه‌م دیدارا سه‌ربازى دهێته هژمارتن ل كوردستانێ.
