سێ سال بوو من و برایێ خوە دایك و بابێن خـوە نەدیتین
ديدار، سالار محةمةد دؤسكى:
2-2
مە ل گەل خوە ئینا و مە دەرمانكر و چەند رۆژا ما ل گەل مە و حوكمەتا ئیراقێ زانی ئەم هاتینە و رەبیێن وان بەرامبەری مە بوون و چەندین توپ هاڤێـنە مە و ئەم جندیێ بریندار ژی ما ل گەل مە و نەچار بووینە بهێنە گوندێ، (شیكە و بریێ) ئەڤە گوندێن توركانە و ئەم چووینە (كنیانش) ئەم سێ شەڤا ماینە وێرێ و پەكەكێ ژ بەر مە توپ هاڤێتنێ حوكمەتێ گۆت ژ ڤێرە ژی بار كەن و ئەم چووینە (سێڤێ و توتن) دووڤ دا ئەم چووینە (شیڤا رەزا) یێ رێكانیا و ئاخا توركیا یە و توركا بەر سینگێن مە گرتن و گۆت هوون دەربازنابن و مە گۆتێ شەری ل گەل هەوە كەین و دووڤ دا ئەم چووینە گوندێن (هركاش و ئەرس) گۆند هەمی ئەلغام كری بوو و و ئەم دوو رۆژا ماین و رۆژا سیێ د. كەمال كەركووكی گۆت كومەكا پێشمەرگە دێ چیتە (زەندورەی) جهێ بارەگایێ لەقا ئێك یێ كەڤن، ئێك ژوانا ئەز بووم و ئەم دو برا پێكڤە ژ مالەكێ و ژ گوندەكی ل گەل ئێك بووین و ئەم هاتینە كوردستانێ و كەسەك نە دهاتە كوردستانێ و ئەز برایێ خوە (عیسی یاسین تاها) هاتین و كومەكا پێشمەرگی بووین و ئەم نێزیكی (20) كەسا بووین و شەهید(ئدریس بێسكی) بەرا من بوو و ئێكێ پارتی گەل پشت من دهات ناڤێ وی (ئومێد) بوو و ئدریس ئاڤ ڤەخوار و چوو من گۆتێ راوستە و ڤەخو و ئەلغام گەلەك بەر بەلاڤن و پشتی جەودكێ خوە كریە جهێ وی دا و چەند پێنگاڤا نەچوو و ئەلغام بن پیا پەقی و پیەكێ وی هاتە هاڤێتن و مە پەیوەندی ب بارەگایی كر و مە برینپێچەك هەبوو ناڤێ وی (محەمەد سالح) بوو و هاتە وێرێ وپێ وی دەرمانكر و گرێدا و هەلبەت ئەوان كاودانان و پێ هاتیە هاڤێتن و برین پێچەك دەرمان بكەت دێ چ ل وی پێی كەی و مە دابەستەك دروستكرن و شیتك و دەرسوكێن خوە مە تێ ئالاندن و مە كاك (ئدریس ) ئینا بارەگایی و سێ رۆژا ما ل بارەگایی و ئەم گەلەك هاتینە حوكمەتا توركا و هەتا د. كەمال كەركووكی كوژمەكێ پارەی ل گەل گۆت بتنێ بوومە ڤەگوهێزن و گۆت نەخێر و مە دانا سەر پشتا هێسترەكێ و گۆتن ببنە (شیتە) بەلكو هوون ببنە گەڤەرێ و مخابنی ڤە تەمام بوویە، مە گۆتێ دێ تە رادەستی چەتا كەین رەبیێن چەتا ڤێرە هەنە وی گۆت نە، ئەڤە پێشمەرگە نە و بلا ل ڤێرە بمرم بوومن خوشترە د دەستێن چەتان دا بم و گۆت من رادەستی چەتان نە كەن و گۆت ئەگەر جارەكێ دایك و بابێن من پرسیارا من كر بێژنێ زیارەتێ وی ل فلان جهی یە و مە ل گەلیێ ساتێ ڤەشارت بێ شویشتن و بێ كفن و مە كریە ئاخێ را و هندەك بەرێن مەزن مە پێڤەنان بتنێ مە گۆت دا چ ئاژە نەئینە دەر و ئەڤە ژیارا پێشمەرگاتیێ بوو و ئەڤە ژیانا وی سەردەمی یا مرۆڤێن دلسوز بوو و ئەم نوكە ژی شانازیێ ب پێشمەرگاتیا خوە دكەین و هەتا نوكە ژی پێشمەرگە .
هەمان پێشمەرگەی گۆت: من چ دەنگ و باسێن برایێن خوە نەزانینن و دەمێ ئیرانێ هندەك مرۆڤ ژ (بەحركێ) رەڤین و هاتنە ئیرانێ و دەنگ و باسێن برایێ خوە من ب رێكا وا زانین و ئەم گەلەك ب خەمگین كەتین چونكە سێ برا و مام و خەلكێ گوندێ مە دبوونە 47 مرۆڤ و هەمان دەم مە چ پێزانین ل سەر دایك و خوە نەزانین و هەتا سەرهلدانێ دروست بووی و ئەم هاتینە دهۆكێ و دەمێ سەرهلدان دروست بووی و بارەگایەك وەك هەمی پێشمەرگەی مە ل گرێ باصێ هەبوو و دووڤ دا ئەم هاتینە ڤەگوهاستن بۆ بارەگایی سێمێلێ (عەبدولخالق بابیری، سەربەست بابیری، عەمەر ئورەی، فەرج میرزا) بوو، مە دەستیردان ژێ خواست و مە گۆتێ دێ چینە دەف دایك و بابێن خوە دێ چین تەماشە كەینێ كا دایك و بابێن مە ماینە وەغەركرینە و هندەك مرۆڤێن خوە مەدیتن و دووڤ دا ئەم ژ دهۆكێ چووینە هەولێرێ و مە دایك و بابێن خوە دیتن و لبن خانیەكێ ئاخێ ڤە و كولكەكی و هەمی دناڤا كەمپێ دا بوون و ئوردیكایەكێ زولم لێكری بوو و ئەو سێ سال بوو من و برایێ خوە دایكا خوە نەدیت بوو و مە چ دەنگ و باس و پێزانین ل سەر نەبوو، گوندێ مە گەلەك قوربانی داینە و باوەر بكە چ مال ل گوندێ مە نین قوربانی نەداین و ئێك ژ مالا وی نەچووی و داخاز ژ سەركردایەتی یا خوە دكەین نە بتنێ بۆ خەلكێ گوندێ زێوێ بەلكو بۆ گشت خەلكێ كوردستانێ چاڤێ وا ل هەژار و دەست كورت و خێزان و كەس و كارێن شەهیدان بیت و مرۆڤێن ماندیبوون دیتی و قوربانی داین چارەسەریەك بۆ بهێتە دیتن.
هەمان پێشمەرگەی گۆت: هەمی ژیێ خوەیێ پێشمەرگاتیێ منێ كری وەكی رۆژا بەردانا كەسكێ ئەز عاجز نەبوویمە، مە كەسەكێ بەردا مە گەلەك بریندار و شەهید هێلانە وی جهی و كەسەكێ خوە ل كەسەكێ نەكرە خودان و هەر كەسەكێ ترۆمبێل هەی ل ترۆمبێلا خوە سوار بوو و چوو و دەڤەر هاتە بەردان و بوومن گەلەك یا نەخوش بوو چونكە ئەو جه مە ب ساناهی نە وەرگرت بوو.
ل دور كەیفا وی ژی هات، هەمان پێشمەرگەی گۆت: ل سەرهلدانا سالا 1991 گەلەك كەیفا من هات و دەمێ من دیتی كوردستان ئازاد بوویە و مەزنترین دوژمنێ كوردان كەفتی وی دەمی كەیفەكا مەزن بوومن دروست بوو و دیسا ریفراندوومێ ژی گەلەك كەیفا من هات وی دەمی ل شنگالێ بووم و هەتا (20) كەسان من ب ترۆمبێلا خوە گەهاندینە جهێ دەنگدانێ ب وی مەبەستێ دەنگێ خوە بدەن، باوەر بكە ئەگەر ئێكی گۆتبا ئەڤە هەرسێ برایێن تە ڤەگەریان هند كەیفا من نەدهات دەمێ من ریفراندوومێ دەنگێ خوە بۆ سەربەخۆیا كوردستانێ دای.
ل دووماهیێ هەمان پێشمەرگەكێ شۆرەشا گولانێ گۆتژی: داخازێ ژ سەركردایەتی یا كوردستانێ دكەم چاڤدانێ ل خەلكێ خوە بكەت و تایبەت مالێن شەهیدان و قوربانی داین دیتی و مللەتی هەمیێ ماندیبوون دیتی یە، هەتا ئەوێن دهۆكێ ژی ژیاین پتر ماندیبوون دیتی یە چونكە بووتە گرتن و ترس و كوشتن هەبوو بەلێ ئەز د دەستێ دوژمنی دا نەبووم بوومن نەبوو و حوكمەتا ئیراقێ بدیف خەلكی ڤە بوو و داخازێ ژ جەنابێ سەرۆك بارزانی دكەم دهەوارا خەلكێ خوە بهێن و ئەگەر خودێ نەكەت ئەم ڤی دەسكەفتی ژ دەست بدەین رەنگە ب سەدان سالان بوومە نەڤەگەریتە ڤە.
