سێ راھێنەر بەربژارن پوستێ یانەکا عیراقێ دخولا بژارە دا وەرگرن
ئەڤرۆ نیوز:
راھێنەرێ یانا شورتە قەحتان جسەیر سەرارای سەرێخستنا تیما خوە بۆ قوناغا بژارە یا عیراقێ لێ دەست ژ ئەرکێ راھێنەریا تیما شورتە بەردە و کارگێریا یانێ ژی ل سەر داخوازیا وی رازیبوویە .
ژێدەرێن دەنگوباسی یێن نێزیک ژ یانا شورتە وەسا دیاردکەن سێ راھێنەر نوکە بەربژارن بۆ وەرگرتنا پوستێ راھێنەریا یانا شورتە بۆ یاریێن خولا بژارە کو دو ژ ئەوان نافخوی نە ئێک پیشەکارە ئەوژی یێ مسری محەمەد یوسف ئەوێ بەری نوکە ئەرکێ راھێنەریا یانا شورتە وەرگرتی .
ھەردیسان ئەوان ژێدەران وەسا ژی دایە دیارکرن لێ دبیت راھێنەرەکێ نافخوی ل ڤی ماوی پوستێ تیمێ وەربگریت کو راھێنەرێ یانا ھەولێرێ سائیر ئەحمەد پتر ژ ھەردو راھێنەرێن دی نێزیکترە ژبەرکو ئێکەتیا تەپا پێ ھەتا نوکە رێک نەدایە راھێنەرێ ھەلبژارتیێ ئولومپی عیراقێ عەبدوغەنی شەھد دانوستاندان ل گەل وێ یانێ بکەت کو وێ یانا شورتە ب فەرمی داخوازی ژ ئێکەتیا تەپا پێ یا عیراقێ کری یە ب شێوەیێ خواستن ئەو راھێنەر ئەرکێ راھێنەریا تیما ئەوان وەربگریت د یاریێن خولا بژارە دا.
