سێ رۆژه ئاگر ب چه‌ند ده‌ڤه‌رێن سنوورى ڤه
ئەڤرۆ نیوز،زنار تۆڤى:
ژ ئه‌گه‌رێ تۆپبارانا سۆپایێ توركى بۆ گوندێن سه‌ر سنۆرى ئاگره‌كێ مه‌زن به‌ردبیته دارستانێ ل نێزیك گوندێ هرۆرێ و دێشێشێ ئه‌ڤه ماوێ سێ رۆژانه ئاگر یێ به‌رده‌وام و ل دووڤ گۆتنا وه‌لاتیه‌كێ گوندێ هرۆرێ كو ئاگرى پترى 2 هزار دۆنه‌مێن دارستانێ سۆتینه.
ئیبراهیم ئه‌حمه‌د وه‌لاتیه‌كێ گوندێ هرۆرێ یه بۆ ئه‌ڤرۆ نیوز دبێژیت:ژ ئه‌گه‌رێ تۆپبارانا سۆپایێ توركى ئه‌ڤه ماوێ سێ رۆژانه ئاگره‌كێ مه‌زن به‌ربوویه دارستانێ و پتریا چه‌روانى هاتیه سۆتن و نوكه‌ژى ئاگر یێ به‌رده‌وامه و یێ به‌ره‌ف گوندى ڤه دهێت و ناڤهاتى گۆت ژى:ل شه‌ڤا بۆرى ژى ئه‌و ده‌ڤه‌ره هاتیه تۆپبارانكرن و وان تۆپان پتر ده‌ڤه‌ر سۆتیه و له‌ورا ئه‌م وه‌ك خه‌لكێ گوندى ژ ئه‌گه‌رێ توپبارانێ و هه‌روه‌سا ژ ترسا هاتنا فرۆكان نه‌وێرین ئاگرى ب ڤه‌مرینین و دیاركر ژى:ئه‌گه‌ر ئه‌و ئاگر نه‌هێته كونترولكرن دێ دارستان و ره‌ز و چه‌روانێ گوندى هه‌مى هێێته سۆتن و دێ گه‌له‌ك زیان گه‌هیته مه.
