سێ یاریزان ل جھێ وی دەست نیشانکرینە
ئەڤرۆ نیوز:
ژبەر ئەو ھنگافتنا یاریزانێ فرەنسی و یانا بەرشەلۆنا ئومتێتی توش بوویێ کو دبیت بوو ماوێ شەش ھەیڤان ژ یاریگەھێن تەپا پێ دورکەڤیت یانا بەرشەلۆنا نەچار بوویە لێگەریانا یاریزانەکی ل جھێ وی بکەت بوو پشکداری کرنێ ل گەل یانێ ل یاریێن بھێت ژ قارەمانیا ئورۆپا و لالیگا .
پشتی ئومتێتی ل حەفتیا بوری ژ ھنگافتنێ ڤەگەریا و ل دووماھیی یاریا بەرشەلۆنا ژ قارەمانیا چامپیونیز لیگ پشکداری کری جارەکا دی توشی وێ ھنگافتنا خوە یا چوکی بووی ئیدارا یانا کەتەلونی نەچار بوویە لێگەریانا یاریزانەکێ ھێلا بەرەڤانیێ بکەت و ھەردیسان وێ یانێ دیارکریە ژی یاریزانێ ناڤبری بریارە سەرەدانا وەلاتێ قەتەر بکەت بوو کرنا چارەسەریا خوە .
رۆژناما موندو دیپورتیڤو یا ئیسپانی ئاشکرا کریە یانا بەرشەلۆنا سێ یاریزان دەستنیشانکرن ئەوژی ھەر ئێک ژ ئیڤانوڤیچی یێ سربی و یاریزانێ زەنێت یا روسی و دجینی داکونامی یاریزانێ یانا خیتافی و ھەردیسان یاریزانێ تیما دوێ یێ بەرشەلۆنا چومی .
ھەردیسان وێ رۆژنامێ دیارکریە ژی یانا بەرشەلۆنا دێ چاڤەرێ دووماھیی بریارا ئومتێتی بیت ھەکە چارەسەریا وی ھاتە کرن ھەڤبەستێ ل گەل چو بەرەڤانێن دی ئیمزا ناکەت لێ ھەکە ھنگافتنا وی یا گران بیت بۆ ماوێ سێ ھەتا چار ھەیڤان بیت دێ یانە نەچار بیت ھەڤبەستێ ل گەل یاریزانەکێ دی ئیمزا بکەن