سێ یاریکەر ھاتنە دەستەسەرکرن ژلایێ پولیسان ڤە
ئەڤرۆ نیوز:
دەزگەھێن راگەھاندنا عەرەبی و رۆژنامەیێن وەلاتێ فەلەستین وەسا دیارکری یە ل ماوێ سێ رۆژێن بوری پولیسێن ئیسرائیل سێ یاریکەرێن خولا پلا نایاب یا فەلەستینێ دا دەستەسەرکری نە و بۆ زیندانگەھا تایبەت یا ئیسرائیلێ برینە.
ئەو یاریکەرێن ژلایێ پولیسێن ئیسرائیلێ ڤە ھاتینە دەستەسەرکرن ھەر ئێک ژ سامی داعور یاریکەرێ یانا سموع و محەمەد حویس و فادی شەریف ژ یانا ھیلال غەزە ھەتانوکە چارەنڤێسێ ئەڤان یاریکەران نە دیارە و ئەگەرێن گرتنا ئەڤان یاریکەران ژێ ژلایێ پولیسێن ئیسرائیلی ڤە نە ھاتینە دیارکرن و ئێکەتیا تەپا پێ یا فەلەستینی دیارکری یە ئەو دێ سکالایەکێ ل سەر پولیسێن ئیسرائیل تومارکەن ل ئێکەتیا فیفا ژبەرکو ئەڤا دھێتەکرن دژی وەرزشڤانێن فەلەستینی نە یا دروستە دژی یاسایا تەپا پێ یا نیڤدەولی یە.
وێنەی ئەوان یاریکەرێن فەلەستینی ئەوێن ژلایێ پولیسێن ئیسرائیلی ڤە ھاتینە دەستەسەرکرن کو ھندەک دەزگەھێن راگەھاندنا عەرەبی وەسا دیارکری یە ژبەرکو گومان ل سەر ئەڤان یاریکەران ھەیە ژبەر ئەو شەرو تێکدانا دناڤا پولیسێن ئیسرائیل و چەند گەنجێن فەلەستینی کو دەستێ ئەڤان یاریکەران ل گەل ئەوان تێکدانێ ھەیە
