سێ یانێن ئنگلیزی و ئێکا فرەنسی ھەڤرکیا کوتینھوی دکەن
ئەڤرۆ نیوز:
رۆژ بوو رۆژێ چوونا ستێرا بەرازیلی و یانا بەرشەلۆنا کوتینھو ل یانا بەرشەلۆنا نێزیک دبیت دووماھیی دەرچوونا خوە دا رۆژناما سپورت یا کەتەلونی ئاشکراکریە سێ یانێن مەزن یێن ئورۆپی ب ھێز ھاتینە ل سەر ھێلا کرینا یاریزانێ بەرازیلی و یانا بەرشەلۆنا کوتینھو ئەوژی ھەر ئێک ژ یانێن پاریس سانجێرمان یا فرەنسی و مانچێستەر یوناید و چێلسی یا ئنگلیزی.
ئەوێ رۆژنامێ ئاشکراکر چێلسی دخوازیت ل جھێ ستێرا خوە یا بەلجیکی ھازارد ئەوێ بریارا چوونا خوە دای ل دووماھیا ڤی وەرزی ھەڤبەستێ ل گەل کوتیھوی ئیمزا بکەت ئەوژی ب مەرجەکی ھەکە ئەو سزایێ فیفا ل سەر نە رابوو ل وی دەمی چێلسی کوژمەکێ باش یێ پارەی دێ بوو کرینا کوتینھوی تەرخان کەت ژلایێ دیڤە ل سەر داخوازیا نیماری یانا پاریس سانجێرمان ھزر ل ئینانا کوتینھوی کریە پشتی نیماری داخوازی ژ بەرپرسێن وێ یانێ کری ھەڤبەستێ ل گەل کوتینھوی ئیمزا بکەن دێ مفایەکێ مەزن ژ شیانێن ئەوی وەرگرن ھەردیسان یانە پێدڤی ب یاریزانەکێ وەکو وی ھەیە ل ھێلا ناڤین، رۆژناما سپورت یا کەتەلونی ئاماژە ب وێ چەندێ ژی کریە یانا مانچێستەر یوناید ئەوا دخوازیت بوو وەرزێ بھێت ب ھێز ڤەگەریتە دناڤا ھەڤرکیێن ئورۆپی و نافخوی کوژمەکێ مەزن بوو چەند ستێرێن بەرنیاس بەرھەڤکرینە کو ئێک ژ ئەوان یاریزانان کوتیھوی یە ئەوێ بەری نوکە شارەزایەکا باش ل سەر خۆلا ئنگلتەرا ھەی ھەر ژبەر وێ چەندێ یانا مان یوناید دخوازیت ھەڤبەستێ ل گەل وی ستێرا بەرازیلی بکەت و ب ڤەگەریتە خۆلا ئنگلتەرا ڤە ئەڤ جارە ب رێیا یانا مان یوناید.
ژلایەکێ دیڤە بەری نوکە رۆژنامەیێن برێتانی ئاشکراکر بوون راھێنەرێ یانا لیڤەرپول یا ئنگلیزی حەزا ڤەگەراندنا کوتینھوی ھەیە جارەکا دی بووناڤ رێزێن پێکھاتیێ وێ یانێ پشتی ئەوی یاریزانی دیارکری ئەو دخوازیت بوو وەرزێ بھێت پێکھاتیێ بەرشەلۆنا ب جە بھێلت
