سەربازەکێ ئیرانی سێ ھەڤکارێن خوە یێن سەرباز کوشتن
ئەڤرۆ نیوز:
سەربازەکێ ئیرانی د دەمێ ئەرکێ خوە دا 3 سەربازێن د گەل خوە دا کوشتن و شەش ژی بریندار کرن.
ئاژانسا مەھر یا ئیرانی ئاشکرا کر: سەربازەکێ ئیرانی د دەمێ ئەرکێ خوە دا ل باژارکێ ئابیەک، چل کیلۆمەتران ل باکۆرێ رۆژئاڤایێ تەھران سێ سەربازێن د گەل خوە دا کوشتن و شەش ژی بریندار کرن، پاشی وی ب خوە ژی خوە کوشت.
عەلی رەزا رەحمانی، شارەدارێ ئابیەک دیار کر کو سەدەمێن وێ روودانێ ناھێنە زانین لێ لێکۆلین ل دۆر ئەگەران دەست پێ کرینە.
روودانێن ب ڤی جۆری د ناڤ سوپایێ ئیرانی دا گەلگ کێم دھێنە بھیستن.
