سەرکردەکێ گۆرانێ: دی رێکخەرەکێ گشتی یێ نوو هەلبژێرین
ئەڤرۆ نیوز:
سەرکردەکێ بزاڤا گۆڕانێ دیارکریه، کو گۆرانێ بزاڤا خۆ نووکرنێ ددەت و دێ رێکخەرەکێ نوو هەلبژێریت.
رەئوف ئۆسمان، سەرۆکێ جڤاتا گشتی یا گۆڕانێ بۆ میدیایێن حزبا خۆ راگەهاندیە، کو پێنگاڤێن کرداری بۆ ”خۆ نووکرنێ“ دەست پێکرینە و د چەند رۆژێن داهاتیدا لیژنا ئامادەکاریێ بۆ بەستنا کۆنفرانسێ نیشتمانی دێ دەست بکار بن و لیژنا بلند یا کۆنفرانسی و لیژنێن لاوەکی دێ پێک ئینن.
هەروەسا گۆتیە، ژوورا هەلبژارتنێن گۆرانێ دێ ب تۆمارێن دەنگدەرێن وێ حزبێدا چن و پشتی بەستنا کۆنفرانسی، دێ ھەلبژارتنێن نافخۆیی یێن بزاڤا گۆڕانێ ژ بازنان دەست پێ کەن بۆ ھەلبژارتنا هەموو ئەندامێن جڤاتا نیشتیمانی، خانا راپەراندنێ و رێکخەرێ گشتی یێ گۆرانێ.
گۆران حزبەکا سیاسی یە و بارەگایێ وێ یێ سەرەکی ل باژێرێ سلێمانیێ یە، ل سالا 2009 ژ لایێ نەوشیروان مستەفای ڤە هاتیە دامەزراندن.