سەرۆکاتیا هەرێما کوردستانێ:بریارا لادانا پارێزگارێ کەرکووکێ رەتدکەین
ئەڤرۆ نیۆز،تۆڤێ:
سەرۆکاتیا هەرێما کوردستانێ راگەهاندیە کو زۆر ب توندی بریارا پەرلەمانێ عێراقێ بۆ لادانا نەجمەدین کەریمی ژ پۆستێ پارێزگارێ کەرکووکێ رەتدکەین.
ده‌قێ لێدوانێ:
لێدوانەک ژ پەیڤدارێ فەرمی یێ سەرۆکاتیا هەرێما کوردستانێ.
سەرۆکاتیا هەرێما کورستانێ زۆر ب توندی بریارا ئەنجوومەنێ نوونەرێن عێراقێ بۆ لادانا بەرێز دکتۆر نەجمەدین کەریمی ژ پۆستێ پارێزگارێ کەرکووکێ رەتدکەین.
ب ڤێ پێنگاڤا پەرلەمانێ عێراقێ جارەکادیتر شکەستنا شەراکەتێ و پێشێلکرنا دستووری و نەهێلانا بنەمایێن تەوافوقێ و ڤەگەریان بۆ زۆرینەیێ و کێمینەیێ هاتە دوپاتکرن.
گەلێ کوردستانێ ب گشتی و جەماوەرێ پارێزگەها کەرکووکێ ب هیچ شێوەیەکێ پابەندی ڤێ بریارا پەرلەمانێ عێراقێ نابن،بەرێز نەجمەدین کەریم ل پەرلەمانێ عێراقێ متمانە پێ نەهاتیەدان،هەتاکو ژێ بهێتە وەرگرتن، پارێزگارێ کەرکووکێ ب هەلبژاردن و ژ ئەنجوومەنێ پارێزگەها کەرکووکێ متمانە وەرگرتیە و خەلکێ کەرکووکێ خودانێن وێ بریارێ نە نەکو پەرلەمانێ عێراقێ.
