سەرۆکێ بەرازیل تووشی کۆرۆنایێ بوو
ئەڤرۆ نیوز:
جاییر بۆلسۆنارۆ، سەرۆکێ بەرازیل کو پێشتر ڤایرۆسێ کۆرۆنایێ ب ئەنفلوەنزایا بچووک بناڤ دکر، راگەهاندیە: کو ئەو تووشی وی ڤایرۆسی بوویە، لێ ساخلەمیا وی زۆرا باشە.
سەرۆکێ بەرازیل ل دەستپێکێ ل گەل وان رێکاران نەبوو، یێن کو بۆ رێگریێ ل بەلاڤبوونا ڤایرۆسێ کۆرۆنایێ دگرتنە بەر، وی دگۆت، کێشا بەرازیل هەژاری و بێکاریە نەکو کۆرۆنا، بۆلسۆنارۆ دبێژیت، ب تنێ نیشانێن سەرەتایی یێن وی ڤایرۆسی ل دەف من دەرکەفتینە.
هەتانوکە ل بەرازیل ملیۆنێک و 628 هزار و 283 تووشبوویێن کۆرۆنایێ هاتینە تۆمار کرن و 65 هزار و 631 کەس ژی پێ مرینە.
بۆلسۆنارۆ 38 مین سەرۆکێ بەرازیلە، ل ئێکی کانوونا دویێ یا 2019 د دەستهەلاتێ دایە، ل 21 ئادارا 1955 ل ساوپاولۆ ژ دایکبوویە.
