سەرۆکێ میونیخ: ھەکە ئەو نەشیان سوباھی سەرکەفتنێ ل سەر دورتموند توماربکەن نابینت ئەو ھەژی برنا خولێ نە
ئەڤرۆ نیوز،ھەژار مەعروف:
چاڤەرێ دھێتەکرن سوباھی چاڤێ جەماوەرەکێ مەزن ل ئورۆپا و تایبەت حەژێکەرێن خۆلا بوندس لیگا ل یاریا دناڤبەرا بایرن میونیخ و بروسیا دورتموند دا بیت کو بریارە سوباھی ل دەمژمێر ٧:٠٠ مەغرەب ل دیڤ دەمێ کوردستانێ بھێتەکرن کو ئەو یاری ب گرنگترین یاریا ڤی وەرزی دھێتە ھژمارتن ژبەرکو دناڤبەرا ھەردو یانێن رێزبەندیا ئێکێ و دوێ ھێتەکرن .
سەرۆکێ یانا بایرن میونیخ ئولی ھوینیس بەری ڤێ یاریێ د داخویانیەکێ دا دیارکر ھەکە بخوازن ناسناڤێ خولێ و ھەژی برنا بوندس لیگا وەرزێ ئەڤ سالە بن ل سەر ئەوان و ھەموو یاریزانان پێدڤی یە سوباھی سێ خالێن یاریێ ب دەستخوڤە بینت ھەر چەندە ھەکە نەشیان سەرکەفتنێ ژی توماربکەن ھێشتا دەلیڤەیا برنا ناسناڤێ خولێ دمینت لێ ل وی دەمی ئەو دبینت ھەکە نەشیان خوسارەتیێ ب گەھینە بروسیا دورتموند ل ناڤ ئەرد و جەماوەرێ خوە و ل یاریا ئێکێ ژی بەرامبەر ئەوێ یانێ خوسارەت ببوون ئەو نابینت ل وەرزێ ئەڤ سالە یانا باڤاری ھەژی برنا قارەمانیا بوندس لیگا ژبەرکو ل دو یاریان بەرامبەر ھەڤرکا خوە نەشێت سەرکەفتنێ توماربکەت بوو یانەکا وەکو بایرن میونیخ نابینت دەستکەفتی ھەکە ناسناڤی ژی ب دەستخوڤە ببەت.
ھەژی گوتنێ یە ھەر ژ وەرزێ ٢٠١٠ وەرە ھەردو یانێن بایرن میونیخ و بروسیا دورتموند کونترولا خولا بوندس لیگا ئەلمانیا کریە و ل شەش وەرزێن بوری ل دیڤ ئێک بایرن میونیخ شەش جاران ل دیڤ ئێک بریە کو خودانا مەزنترین ھژمارا برنا خولا ئەلمانیا یە ئەوژی ٢٨ جاران ناسناڤێ وێ خولێ ب دەستخوڤە بریە و پاش ل رێزا دوێ یانا نورونبێرگ ٩ جاران و بروسیا دورتموند ل رێزا سێ ھەشت جاران
