سەرۆکێ یانا زاخۆ سوزەک دا یە باسکت بولا زاخۆ
زاخۆ,ھشیار دوبانکی:
سەرۆکی َ یانا زاخۆ سوزا پشتەڤانیێ بۆ تیما باسکت بولا یانا زاخۆ دیارکریە و دێ ھەمی بزاڤان کەت بۆ وێ چەندێ جارەکا دی ناڤێ باسکت بولا یانا زاخۆ بلندبکەن ل سەر ئاستێ ھەرێمێ و عیراقێ. زێدەتر سەرۆکێ یانا زاخۆ حکمەت محەمەد گەودا د داخویانیەکێ دا گوت: پشتی بوو جارا ئێکێ ل گەل ستاڤێ راھێنەری و یاریزانێن باسکت بولا تیمێ کومبووم بۆ وێ چەندێ پتر گوھداری و ئاریشەیێن ئەوان و یێن تیمێ بزانین پشتی کومبوون ب دووماھی ھاتی من ژی سوز دایە ئەوان بشێم پشتەڤانیا ل بەر دەستێ کارگێریا یانێ بۆ تیما باسکت بولێ بکەم و جارەکا دی ناڤ و ھەیبەتا باسکت بولێ ل باژێرێ زاخۆ ڤەگەرینن . ژلایەکێ دویڤە جوتیار عەلی راھێنەرێ تیمێ بۆ روژناما ئەڤرۆ دیارکر کومبوونا سەرۆکێ یانێ ھەمی یاریزان و ستاڤێ راھێنەری گەلەک پێ دلخوشبوون ژبەرکو بۆ پشتەڤانیا خوە و ب سینگەکێ بەرڤرە گوھداریا ھەمی گازندەیێن ئەوان کرن و سەرۆکێ یانێ ژی سوزەک دایە ئەوان پشتەڤانیا تیمێ بھێتەکرن ل ھەردو خولێن عیراقێ و کوردستانێ ژی دا و ئەو ب ئومێدن سەرۆکێ یانا زاخۆ دێ شێت پشتەڤانیا ئەوان کەت ژبەرکو ئەو دخوازیت جارەکا دی جەماوەر و حەژێکەرێن باسکت بولا زاخۆ ژ یاریێن یانێ بێ بارنەبن ژ خولا عیراقێ.
