سەرۆکێ یانا زاخۆ ١٥٠ ھزار دولار پێشکێشی یانا سلێمانیێ کرن
ئەڤرۆ، ھەژار مەعروف:
پشتی دەستەیا کارگێریا یانا سلێمانیێ بەری چەند رۆژا ڤەکێشانا خوە ژ خولا عیراقێ راگەھاندی، ژبەر بارێ دارای و چو بەرپرسێن وی باژێری خوە لێ نەکری یە خودان و ب بریارەکا نە سەروکێ یانا زاخۆ پشتەڤانیا خوە بۆ ڤێ یانێ دیارکری ب کوژمێ ١٥٠ ھەزار دولاران و بازرگانەکێ خەلکێ سلێمانیێ ب ناڤێ مەلا فاروق خودانێ کومپانیا ئاسیا سێل کوژمێ ١٠٠ ملیون دیناران پێشکێشی یانێ کرن.
ل دور ڤێ چەندێ ئەیوب عەزیز ئەندامێ دەستەیا کارگێریا یانا سلێمانیێ بۆ رۆژناما ئەڤرۆ دیارکر کارێن ب ڤی رەنگی یێن سەروکێ یانا زاخۆ و خودانێ کومپانیا ئاسیا سێل یا چاڤەرێکێ بوو ژبەرکو ھەردەم پشتەڤانێن وەرزشێ نە تایبەت سەروکێ یانا زاخۆ ل گەل یانا سلێمانیێ و ئەرکەکێ نشتیمانی یە و ئەڤە وێ چەندێ د گەھینت کو چو جوداھی دناڤبەرا یانیێن کوردستانێ دا نینە ھەر ژ زاخۆ ھەتا خانەقین و ھەموو کار دکەین بوو ناڤێ کوردستانێ و خزمەتا کوردستانێ دکەین و ژ دل سوپاسیا سەروکێ یانا زاخۆ کەین بوو وێ ھاریکاریا وی ل گەل یانا سلێمانیێ کری.
ناڤبری ئەو چەندە ژی دیارکر ل گەل گشت یاریکەرێن خوە رێککەفتن بوو ئیمزاکرنا ھەڤبەستێن نوو کو ٣٣% ژ کوژمێن وان کێمکرن بوو وێ چەندێ یانە بشێت پشکداریێ بکەت.
ل دووماھیێ ناڤبری ئەو چەندە ژێ دیارکر بریار بوو ئەڤرۆ یاریا ل گەل یانا نەجەف ھاتبا کرن ل یاریگەھا نەجەف لێ ژبەر ئەو رەوشا تیم ل رۆژێن بوری تێدا بوری ئێکەتیا تەپا پێ یا عیراقێ بریار دا سوباھی بھێتەکرن.
