سەرۆک بارزانی ل گەل هەردو جێگرێن سەرۆک کۆمارێ عێراقێ کومبوویە
ئەڤرۆ نیۆز،رێژین نهێلی:
سەرۆکێ ھەرێما کوردستانێ ل سلێمانیێ ل گەل ھەردو جێگرێن سەرۆک کۆمارێ عێراقێ کۆمبوویە،پشتی کۆمبوونێ ژی ئوسامە نوجێفی، راگەهاند: کومبوون ل گەل بارزانی ئیجابی بوویە.
رۆژا شەمبی رێکەفتی 2017/10/7، مەسعود بارزانی، سەروکێ ھەرێما کوردستانێ ل گەل ئەیاد عەلاوی و ئوسامە نوجێفی، جێگرێن سەروک کومارێ عێراقێ،پشتی ئەنجامدانا پرۆسەیا ریفراندۆما سەربەخویێ و بۆ چارەسەرکرنا ئاریشەیێن دناڤبەرا هەرێم و بەغدا بۆ ئێکەمجارە ل سلێمانیێ کۆمبووینە.
ئوسامە نوجێفی،دپرێس کۆنفرانسەکێ دا راگەهاند: کۆمبوونا مە یا ل گەل بارزانی ئیجابی بوو،پشتی پرسەیا مام جەلال، دێ جارەکادی کۆمبینەڤە،بۆ چارەسەرکرنا ئاریشان.
جێگرێ سەرۆک کۆمارێ عێراقێ،ب پێدڤی زانی کو چارەسەریەکا عیراقیانە بوئاریشەیان ببینیت، هەتا ھەرێما کوردستانێ و وەلاتێن جیران پشت راست بکەین ژچارەکرنێ.
ئوسامە نوجێفی ئاشکراکر:ئەو ئاریشە د دستووری و یاساینە، زێدەتری 10دەهـ سالایە هندەک ئاریشە بێی چارەسەری ماینە، لێ لێڤەبوونا بریارێ من ژ بارزانی گوهلێ نەبوویە.
