سەقاناسیا هەرێمێ: باران و بەفر دێ د بەردەوام بن
ئەڤرۆ نێوز:
لدووڤ پێشبینیێن رێڤەبەیا گشتی یا سەقاناسی و عەردهەژان ل هەرێمێ، سوبەهی پێنجشەمبی ب شەڤ دێ پێلەکا باران بارینێ دەڤەرێن هەرێمێ ڤەگریت و ل گەل هندێ دێ پێلەکا بەفر بارینێ سەنتەرێ باژێرێن سلێمانی و دهۆکێ ژی ڤەگریت، ئەو پێل دێ هەتا رۆژا ئێکشەمبیێ یا بەردەوام بیت.
سەقاناسیێ هەرێمێ دیار کریە ژی، درەنگی شەڤا پێنجشەمبیێ، ٦ شواتا ٢٠٢٠، دێ پێلەکا بارانێ دەڤەرێن هەرێما کوردستانێ ڤەگریت و رۆژا ئەینیێ ژی باران بارین تەڤایا هەرێما کوردستانێ ڤەگریت و ل دەڤەرێن چیایی دێ بەفر باریت.
هەروەسا ل رۆژا ئەینیێ ئەو پێل دێ ب هێزتر بیت و ئاستێ باران بارینێ ژى ل هندەک دەڤەران دێ زێدەتر بیت.
رێڤەبەریا گشتی یا سەقاناسیێ و عەردهەژان گۆتیە ژی، رۆژا شەمبیێ دێ باندورا وێ پێلێ یا بەردەوام بیت، ل سەنتەرێ پارێزگەهێن دهۆک و سلێمانیێ ئەگەرێ بەفر بارینێ هەیە.
