سەنتەرەکێ ساخلەمیێ ل کەمپا بێرسڤا دو بۆ ئاوارەیان دێ ھێتە چێکرن
ئەڤرۆ نیوز، دھۆک:
ب ھەڤکاریا رێڤەبەریا گشتی یا ساخلەمیا پارێزگەھا دھوکێ ئیمزاکرنا گرێبەستەکێ دگەل رێکخراوا (malteser interbational) یا نیڤ دەولەتی بۆ ئاڤاکرنا سەنتەرەکێ ساخلەمیێ ل کەمپا بێرسڤا دو ل زاخو ژبۆ دروستکرنا سەنتەرەکێ ساخلەمیێ.
د.نزار عێمەت، رێڤەبەرێ گشتیێ ساخلەمیا پارێزگەھا دھۆکێ دیارکر کو سەرێ ھەیڤا بھێت دێ کار لسەر ھێتە کرن و ھەتا دووماھیا ھەیڤا ١٢ دێ ب دوماھی دھێت و سەرێ سالا ٢٠١٥ ئەڤ سەنتەرە دێ کەڤیتە کاری.
دیار کر ژی: ئەڤ سەنتەرە پێک دھێت ژ ١٤ ژورا کو ب کابینێت دھێنە دروست کرن کو ژ چەندین ژورێن جودا ژبۆ ساخلەمیا دەستپێکی و ئافرەت و زاروکا و چاڤدێریا ئافرەتێن دوگیان تێدا دھێنە چارەسەر کرن.
رێڤەبەرێ گشتیێ ساخلەمیا پارێزگەھا دھۆکێ ئەوژی دیارکر پشتی سەنتەر ب دوماھیک دھێت کارەکێ ھەڤپشکە ژلایێ رێڤەبەریا گشتی ساخلەمیێ و رێکخراوا ناڤبری ژبۆ دابینکرنا نوشدار و کارمەندێن ساخلەمیێ و دەرمانا دھێتە کرن کو ھەتا سالەکێ ئەڤ ھەماھەنگی یە دێ یا بەردەوام بیت و گۆت: ئەڤ سەنتەرە بۆ ئاوارەیێن شنگال و زومار دھێتە دروست کرن کو ئەڤ ھەمی ئاوارە دھێنە ڤەگوھاستن بۆ شەش کەمپا لەورا دەمێ کەمپ ب دوماھی بھێن پێتڤی یە بنگەھێن ساخلەمیێ ژی بۆ ئاوارەیان بھێنە ئامادە کرن.
