شاره‌زايا جوانكاريێ يا عيراقى ره‌فيف ئه‌لياسرى وه‌غه‌ركر
ئه‌ڤرۆنيوز:
شاره‌زايا جوانكاريێ يا عيراقێ دكتوره ره‌فيف ئه‌لياسرى ئه‌ڤرۆ پێنجشه‌مبى 16/8/2018 ل به‌غدا وه‌غه‌ركر.
محه‌مه‌د ئه‌لجبورى، رۆژنامه‌ڤان ژ به‌غدا بۆ ئه‌ڤرۆنيوز گۆت” ره‌فيف ئه‌لياسرى نوشداره‌كا به‌رنياس بوو ب ئه‌نجامدانا نشته‌رگه‌ريێن جوانكاريێ وناڤه‌ده‌نگيه‌ك هه‌بوو ل سه‌ر ئاستێ عيراقێ ووه‌لاتێن عه‌ره‌بى”.
گۆت ژى” چه‌ندين گۆتن يێن هه‌ين ل دۆر وه‌غه‌ركرنا ژ نشكه‌كێ ڤه يا ره‌فيفێ، وه‌كو هه‌بوونا روودانه‌كا هاتنوچوونێ ل جاده‌كا به‌غدا كو تووشبوويێ وب گرانى بريندار بووى وده‌مێ ڤه‌گۆهاستنا وێ بۆ نه‌خوه‌شخانێ گيانێ خوه ژده‌ستدا”.
دياركر ژى” پۆليس چووينه دمالا وێ نوشدارا جوانكاريێ بۆ ئه‌نجامدانا ڤه‌كۆلينان وئايا كه‌سه‌ك ب زۆرى نه‌هاتبيته دمالا وێ دا و تاوانا كوشتنا وێ ئه‌نجام دابيت”.
ره‌فيف ئه‌لياسري ژدايكبوويا سالا 1985بوو.
