شاره‌زايه‌كێ دادڤانيێ:گۆلا ميسى يا دروست نه‌بوو
ئه‌ڤرۆنيوز:
دوهى يانا به‌رشه‌لونا شيا د 18 خۆله‌كێن دوماهيێ ژياريا خوه ل گه‌ل يانا ئالافيس، سه‌ركه‌فتنێ ب ده‌ستڤه‌بينيت ودو گۆلان ب رێيا سوارێز وميسى تۆمار بكه‌ت به‌رامبه‌ر گۆلكێ بۆ ئالافيس.
شاره‌زايه‌كێ دادڤانيا ته‌پا پيێ ل ئيسپانيا دياركر كو نه‌دبوو گۆلا دويێ يا ميسى ل ئالافيس بهێته هژمارتن وئه‌و گۆل يا دروست نه‌بوو.
ئيتۆرالدى گونزالێس، شاره‌زايێ دادڤانيا ته‌پا پێى، ل دووڤ مالپه‌رێ كوره، گۆت” نه‌دبوو دادڤان فاوله‌كێ بۆ به‌رشه‌لونا هژمار بكه‌ت، كو ب رێيا وێ ميسى شوته‌كا ئێكسه‌ر دانايێ وگۆلا دويێ وسه‌ركه‌فتنێ تۆماركرى، ژبه‌ركو به‌لێ دادڤان فيركا فاولێ بۆ به‌رشله‌ونا لێبده‌ت، ياريكه‌رێ به‌رشله‌ونا باكو ئه‌لكاسير دئۆفسايده‌كا رۆهن وئاشكرا دابوو”.
ل دۆر گۆلا ئێكێ يا به‌رشه‌لونا كو ژلايێ سوارێزى ڤه هاتيه تۆماركرن پشتى ته‌پا ب ده‌ستێ ياريكه‌رێ به‌رشه‌لونا پێكێه كه‌فتى، ئيتۆرالدى دبێژيت” ئه‌و گۆل يا دروست بوو چونكى ده‌ستێ پێكێه ب ئه‌نقه‌ست ب ته‌پا نه‌كه‌فتبوو”.
ژلايه‌كێ دى ڤه، ئه‌ندوجار ئۆليڤه‌ر، شاره‌زايێ دادڤانيا ته‌پا پێ يێ رۆژناما (ماركا) يا مه‌دريدى گۆت” ئه‌و ته‌پا ب ده‌ستێ يارێكه‌رێ هێلا به‌ره‌ڤانيێ يا به‌رشه‌لونا (ساموێل ئۆمتيتى) ل خۆله‌كا 89 كه‌فتى، نه لێدانا سزايێ بوو وبريارا دادڤانى ب نه‌هژمارتنا لێدانا سزايێ يا راست ودروست بوو، چونكى راسته ته‌په ب ده‌ستێ وى كه‌فت، به‌لێ وى ئه‌نقه‌ست ده‌ستێ خوه لێنه‌دابوو”.
