شاره‌زایه‌ك بەحسێ رێنمایان بۆ ده‌مێ شوفێریێ ل ره‌مه‌زانێ دکەت
ئه‌ڤرۆ نیوز، ره‌مه‌زان هه‌رنی:
سه‌رۆكێ رێكخراوا رەوشەنبیری و سه‌لامه‌تیا رێ و بانا ل كوردستانێ دیاركر د هه‌یڤا ره‌مه‌زانێ دا ل ده‌مێ ب روژی بوونێ مرۆڤ پتر هه‌ست ب ماندیبوونێ و تووره‌بوونێ دكه‌ت و پتریا جارا له‌زێ دكه‌ت بگه‌هیتە وی جهێ وی دڤێت له‌ورا روودانێن هاتنوچوونێ دروست دبن.
یوسف بازیانی سه‌رۆكێ رێكخراوا رەوشنبیری و سلامه‌تیا رێ و بانا ل كوردستانێ بۆ ئه‌ڤرۆ نیوز گوت: (ل هه‌یڤا ره‌مه‌زانێ دا شوفێر تووشی هنده‌ك ره‌فتارا دبن تایبه‌ت روژی گر كو دبیته سه‌ده‌مێ تووره‌بوونێ و ل ده‌ستدانا ئارامیێ) .
ناڤهاتی دیار ژی کر کو دڤێت ل هه‌یڤا ره‌مه‌زانێ شوفێر پتر ئاگه‌هداری نیشانێن ترافیكا بیت و لێ ده‌رنه‌كه‌ڤیت، ب تایبه‌ت زڤرینێ، پێدڤیه شوفێر ئاگه‌هداری هێلێن ده‌ربازبوونا وەلاتیان بن، ل هه‌موویێ باشتره هەکە شوفێر یێ ماندی بیت ب ترومبێلێن گشتی هاتنوچوونێ بكه‌ت.
