شاندەکێ ھەرێمێ بۆ ئینانەڤا رۆفاتێن ئەنفالکریان دێ چیتە بەغدا
ئەڤرۆ نیۆز، قائید میرۆ:
بڕیارە ١٧١ رۆفاتێن ئەنفالکریان ل بەغدا بھێنە ڤەگەڕاندن بۆ ھەرێما کوردستانێ و بۆڤێ مەرەمێ ژی شاندەکێ ھەرێما کوردستانێ دێ سەرەدانا بەغدا بکەت.
فوئاد عوسمان، پەیڤدارێ وەزارەتا شەھید و ئەنفالکریان بۆ ئەڤرۆ نیۆز دیارکر” حەفتیا بۆری حوکمەتا عێراقێ وەزارەتا شەھیدان یا ھەرێما کوردستانێ ئاگەھدارکریە ١٧١ رۆفاتێن دەڤەرا گەرمیان د بەرھەڤن ل نۆشداریا داد بۆ رادەستکرنێ و بڕیارە بھێنە ڤەگەڕاندن بۆ ھەرێما کوردستانێ و رادەستی کەس و کارێن وان بھێنەکرن.
فوئاد عوسمان ئاشکراکر” شاندەکێ ھەرێما کوردستانێ بۆ ڤێ مەرەمێ دێ سەرەدانا بەغدا بکەت و بڕیارە د رێورەسمەکا ھەژیدا بھێنە ڤەگوھاستن بۆ دەڤەران گەرمیان و نوکە جڤاتا وەزارەتێ یا بەرھەڤیان بۆ ئینانەڤا رۆفاتان دکەن ئەوژی یێن سەردەمێ ھەوا ھەنفالێنە و ل ھەیڤا تەباخا بۆری ھاتینە دیتن ناڤا گۆڕەکێ بکۆمدا.
