شه‌ش كه‌س ب تومه‌تا پیلانا هێرشكرنێ دژی ماكرۆنی هاتن گرتن
ئه‌ڤرۆ نیوز:
وه‌زاره‌تا ناڤخۆ یا فره‌نسا، گرتنا شه‌ش كه‌سان ب تومه‌تا دانانا پیلانه‌كێ بۆ هێرشكرنێ دژی سه‌رۆكێ فره‌نسا راگه‌هاند.
ل گۆری وه‌زاره‌تا ناڤخۆ یا فره‌نسا، د چارچووڤێ لێكۆلینێ ل دۆر پیلاندانانا هێرشه‌كێ دژی ئیمانوێل ماكرۆن، شه‌ش گه‌نج كو ئێك ژ وان كچه هاتنیه گرتن.
هه‌روه‌ها دیار كر كه‌سێن هاتینه گرتن سه‌ر ب بالێ راست یێ توندروو ڤه نه.
ماكرۆنى ئه‌ڤرۆ د گۆتاره‌كا خوه دا راگه‌هاند: پێدڤییه ئه‌ورۆپا سوپایه‌كێ بهێز ئاڤا كه‌ت دا پێدڤی ب منه‌تا ئه‌مریكا نه‌بیت و بشێت ل دژی گه‌فێن رووسیا براوه‌ستیت.
