شه‌ش كه‌س د روودانه‌كێ دا بوونه قوربانى
كۆميسه‌ره‌كى ژ پشكا هاتنوچوونا ئاكرێ راگه‌هاند كو ئه‌ڤ نێزيكى نيڤرۆ ل سه‌ر رێيا سه‌ره‌كى يا ئاكرێ د ئه‌نجامێ روودانه‌كێ دا شه‌ش وه‌لاتى بوونه قوربانى.
رێكه‌وت زوهێر، كۆميسه‌ر ژ پشكا هاتنوچوونا ناڤ باژێرى يا ئاكرێ بۆ ئه‌ڤرۆ نيوز گۆت: “ئه‌ڤرۆ به‌رى نيڤرۆ ل ده‌مژمێر 11:40 ده‌قيقه ل نێزيك ده‌روازێ سه‌ره‌كيێ ئاكرێ، ل گۆندنا جونا روودانه‌كا لێكدانێ د ناڤبه‌را ترۆمبێله‌كا هۆندا تايبه‌ت و ترۆمبێله‌كا تۆيۆتا تايبه‌ت دا روودا”.
زێده‌تر گۆت: “د ئه‌نجاما ڤێ روودانێ دا، شه‌ش كه‌س بريندار بووينه و هاتينه ڤه‌گوهاستن بۆ نه‌خۆشخانا ئاكرێ يا گشتى و ل ژێر چاڤێدريا نوشدارانه”.
ئه‌و چه‌نده ژى دا زانين كو پارچه‌كا رێ ل بن دروستكرنێ يه، كار ل سه‌ر دهێته كرن و به‌لێنده‌رى ب دروستى نيشانێن هايداربوونێ نه‌داناينه سه‌ر جادێ دا شوفێر پێگريێ پێ بكه‌ن و له‌زاتى ب كار ئينايه، روودان دروست بوويه و گۆت: “هيڤى دكه‌ين شوفێر له‌زاتيێ ب كار نه‌ئينن دا د سلامه‌ت بن”.
