شوفێرێ دوهی جانێ خوە ژ دەست دای هەلگرێ ڤایرۆسێ کۆرۆنایێ نەبوویە
ئەڤرۆ نیوز:
کامی کەمال بەرپرسێ په‌یوه‌ندى و راگه‌ھاندنا كومەلگەھا ده‌روازێ نیڤ یێ ده‌وله‌تى ئیبراهیم خه‌لیل راگەهاند کو ل رێککەفتی ٣١\٨\٢٠٢٠ێ شوفێرەکێ ولاتیێ تورکیایێ ب ناڤێ “عەبدوللا ئورگون” ل گۆرەپانەکا زاخو دناڤ ترۆمبێلا خوە یا بارھەلگردا جانێ خوە ژدەستدایە و د نھادا جەنازێ وی ل دادوەریا پزیشکییا دھوکێیە و چاڤەرێی ئەنجامێن راپورتا دادوەرییا پزیشکی دکەین بو سەدەما جان ژ دەستدانا ناڤبری.
ناڤهاتی هەروەسا دیار ژی دکەت کو دناڤ تورێن جڤاکی و ھندەک مالپەراندا گوت گوتکەک بەلاڤ بوویە کو ئەو شوفێر ھەلگرێ ڤایروسێ کۆرۆنایێ بوویە و ئەڤ چەندە ئەگەرێ مرنا وی بوویە. ئەم ڕایا گشتی ئاگەھدار دکەین کو چ بنەما بو ڤێ گوت گوتکێ نینن و ئەنجامێن پشکنینێن ناڤبری ل تاقیگەھا کۆمەلگەھا دەروازێ نیڤدەولەتی ئیبراھیم خەلیل نێگەتیڤ بوویە و ھەلگرێ ڤایرۆسێ کۆرۆنایێ نەبوویە.
