شیروان میرزا: ڕێكه‌وتنی به‌غدا و هه‌ولێر تاكو كۆتایی ساڵ به‌رده‌وام ده‌بێت
ئه‌ڤرۆ نیۆز، عه‌زیز هه‌ورامی
له چه‌ندڕۆژی ڕابردوو سه‌رۆك وه‌زیرانی كوردستان مه‌سروور بارزانی و سه‌رۆك وه‌زیرانی عێراق مسته‌فا كازمی، پێوه‌ندیه‌كی ته‌له‌فۆنیان ئه‌نجامدا و ڕێكه‌وتنێكی له‌سه‌ر مووچه و خاڵه بازرگانییه‌كانی لێكه‌وته‌وه.
شیروان میرزا ئه‌ندامی په‌رله‌مانی عێراق له فڕاكسیۆنی یه‌كێتی نیشتیمانی كوردستان، به ئه‌ڤرۆ نیۆزی ڕاگه‌یاند:” ڕێكه‌وتنی مه‌سروور بارزانی و مسته‌فا كازمی له به‌رژه‌وه‌ندی هه‌ردوو لادایه ڕێكه‌وتنه‌كه تاكو كۆتای ساڵی 2020 به‌رده‌وام ده‌بێت.
هه‌روه‌ها ئاماژه‌ی به‌وه‌كرد:” به‌پێ ئه‌و ڕێكه‌وتنه 50% داهاتی مه‌رزه‌كانی بازرگانی ده‌گه‌ڕێته‌وه بۆ حكوومه‌تی عێراق و له به‌رامبه‌ردا مانگانه 320 ملیار دینار به‌غدا ڕه‌وانه‌ی كوردستان ده‌كات.
ئاماژه‌ی به‌وه‌كرد:” ڕێكه‌وتنی به‌غدا و هه‌ولێر له ئێسته‌دا بنه‌ماییه‌كی زۆر باشه بۆ ڕێكه‌وتنی میزانییه‌ی ساڵی 2021 عێراق.
