شێلادزێ: تابلویێن پاراستنا ژینگه‌هێ و هه‌وا پاقژكرنێ ده‌ستپێكر
شێلادزێ ، ئێقبال عومه‌ر:
ل ده‌ڤه‌را رێكان یا سه‌ر ب ناحیا شێلادزێ ڤه ژلایێَ رێكخراوه‌كا نه‌حكومى ڤه ده‌ست ب هه‌وا پاقژكرنێ ل ده‌ڤه‌رى ژ پیساتى و پاشماوێن گه‌شتیاران كر.
ده‌ڤه‌را رێكان جهه‌كێ پرى ئاڤ و كانى و روبار و چیا و دول ونهاله و یا پره ژ دار و بارێن ب خه‌مل و جوان و سه‌رنج راكێش ل كوردستانێ و ژ هه‌مى ده‌ڤه‌رێن عیراقه ب گشتى و كورستانێ گه‌شتیار سه‌ره‌دانا ڤێ ده‌ڤه‌رێ دكه‌ن, لێ ژبه‌ركو ده‌ڤه‌ره‌كه جهێ ململانێ یا چه‌كدارێن په‌كه‌كێ و سه‌پایێ توركیایه, ئه‌ڤه‌ژى یا بویه ئه‌گه‌ر كو ده‌ڤه‌ر نه‌شرین و پیس بمینیت چه‌ندین دیمه‌نێن كریت به‌رچاڤ بكه‌ڤن.
رێكخراوا په‌سار ل ناحیا شێلادزێ یا سه‌ر ب قه‌زا ئامێدیێ ڤه, ب هه‌ڤكاریا فه‌رمانگه‌ها پاراستنا ژینگه‌ها دهوك, رابوینه ب دانانا چه‌ند تابلویێن هوشیاریكرنێ و ده‌سپێكرنا هه‌وا پاقژكرنا ده‌ڤه‌را رێكان.
برقى داخاز چێ به‌رپرسێ راگه‌هاندنا رێكخراوا په‌سار بو ئه‌ڤرو گوت: دڤێ هه‌وا پاقژكرنێ دا مه سه‌ره‌دانا جهێن گه‌شتیارى دا ل ده‌ڤه‌را رێكان ب مه‌ره‌ما پاقژكرنا وان جهێن گه‌شتیارى وه‌كو ئاڤا مارك و كوچكا و ئاڤا شین,و دانانا چه‌ند تابلویێن هشیاركرنا پاقژراگرتنا ژینگه‌هێ ژلایێ وه‌لاتیان ڤه ب سه‌دان كیسێن گلێشى پاشمایێن گه‌شتیاران مه كومكرن, و سه‌دان كیسان ب سه‌ر وه‌لاتیان و فروشیاران به‌لاڤكرن, ئه‌و به‌شداربویێن دڤێ هه‌وا پاقژكرنێ دا به‌شدارى كرى وه‌ك خوه به‌خش به‌شدارى كرن و پێك هاتبون ژ ده‌سته‌یا رێكخراوا په‌سار.
زێده‌تر گوت: ده‌ڤه‌را رێكان جهه‌كێ زورێ دلڤه‌كر و سه‌رنج راكێشه و یا زه‌نگینه ب جوانیا دیمه‌نێن سروشتێ ژینگه‌هێ سه‌رنجا گه‌شتیاران رادكێشیت,لێ ب بوچونا من جهێن گه‌شتیارى یێن ل سنورێ ناحیا شێلادزێ وه‌ك گه‌لیێ بالندا و ده‌ڤه‌را رێكان ئێكه ژوان ده‌ڤه‌رێن كوردستانێ كو تاكو نها ب هیچ ره‌نگه‌كى خزمه‌تگوزارى نه‌گه‌هشتیێ, هیڤى دارم حوكمه‌تا هه‌رێمێ ئاوریه‌كێ ل ڤێ ده‌ڤه‌رێ ڤه‌ده‌ت و هه‌مى پێتڤیێن خزمه‌تگوزارى بگه‌هینیتى داكو هه‌رده‌م پاقژ و جوان بمینیت.
