شێوازێ خولا کوردستانێ بوو وەرزێ ٢٠١٧-٢٠١٨ بزانە
ئەرۆ، مللەت جەمال:
ژێدەرەکێ نێزیک ژ ئێکەتیا تەپا پێی یا ھەرێما کوردستانێ تایبەت بۆ رۆژناما ئەڤرۆ دیارکر کو ئێکەتیا تەپا پێی ل گەل وێ چەندێ یە خولا نایابا ھەرێما کوردستانێ ب زیترین دەم بھێتە برێەبرن و دیارکر بەری سالا نی خول دێ دەستپێکەت .
زێدەتر ھەمان ژێدەر ئەوێ نەڤیایی ناڤێ وی بھێتە ئاشکراکرن لدور سیستەم و شێوازێ برێڤەچوونا خولێ گوت : ئێکەتیا تەپا پێی باش دبینیت ھەکە خول ب شێوازێ ئێک کوم و ھاتن و چوون بھێتەکرن و ئەڤ چەندە د کومبوونا بھێت دا دێ لگەل یانێن پشکدار ھێتە بەحسکرن و ھەر دەمێ یانە رازیبوون دێ بریارا برێەچوونا خولێ ب وی شێوەی ھێتە دان.
لدووماھیێ دیارکر ژی کو ھەر ئێک ژ یانێن زێرەڤانی و پێشمەرگا ھەولێر و ل گەل پێنج یانێن دی دێ درازیبن لسەر ڤی شێوازی لێ دبیت ھەر ئێک ژ یانێن زاخو و شێروانە و ھندرین د نەرازیبن لێ ھەردە ئێکەتیا تەپا پێی لدوو ھژمارا زێدەتر بریاران ددەت .
دھێتە زانین بەری ماوەکی ئێکەتیا تەپا پێی یا ھەرێما کوردستانێ د دووماھی کومبوونا خوە دا یانێن پارێزگەھا کەرکووکێ سەرپشک کربون بو پشکداریکرنێ د خولا نایابا کوردستانێ دا یان نە و د بەرامبەر دا سکرتێرێ یانا کەرکوک دیارکربوو کو چوو یانە ل کەرکووکێ نەشێن ب ناڤ و ئالایێ کوردستانێ پشکداربن