شێوه‌كاره‌ك: د شێوه‌كاریێ دا سێبه‌را خوە دبینمه ڤه
ئه‌ڤرۆ نیوز، ره‌مه‌زان هه‌رنی:
خانما شانۆڤان و شێوه‌كار دلسۆز ره‌سۆل كو چه‌ندین ساله ل بوارێن جودا یێن هونه‌ری كاردكه‌ت، ك ل ڤان دووماهیا ژبلی بوارێن كو تێدا كار كریه وه‌ك ئه‌كته‌ر پشكداری درامایه‌كا كوردی كریه خه‌لكا رانیه یه و ل سلێمانیێ دژیت و به‌حسێ كارێن خوه یێن نوو دكه‌ت .
هونه‌رمه‌ند دلسۆز ره‌سۆل د دیداره‌كێ دا بۆ ئه‌ڤرۆ نیوز راگه‌هاند هه‌ر ل وی ده‌می مرۆڤ هه‌ست ب جوانیێ و ژیانا خوه دكه‌ت و دكه‌ڤیته قوناغه‌كێ ل ناڤبه‌را گه‌شه‌كرنێدا خوه دبینیت ڤه من ل وی ده‌می تێكه‌لی دوونیا هونه‌ری بوویمه هێدی هێدی من رێكا هونه‌ری بری و چه‌ندین ساله تێكه‌لێ دوونیا به‌رفره‌ها هونه‌ری بوویمه،شانۆ دوونیایه‌كا دی یا منه و ژیان لای من جوانتر كریه دگه‌ل تێكه‌لبوونێ فێركرم و شێوه‌كاری ژی وه‌ك زارۆكێ منه ل ده‌ف من ل هه‌ر جهه‌كێ ببیت و جوانترین دبینم ژ به‌ر كو هه‌ر بواره‌كێ گرانیا خوه هه‌یه ب ساناهی بوون بۆ هه‌ر بواره‌كێ بزاڤێن خوە دڤێت هێز و شیان دڤێن كو ئه‌ڤه ژی گرانیێ نابینێت ل هیچ بواره‌كێ .
گوت ژی ده‌ستپێكا كاركرنا من ب شانۆیێ بوو به‌لێ شێوه‌كاری بووه ژیانا من و ره‌نگان زێده‌تر تێكه‌لكرم و له‌ورا زێده‌تر ل شێوه‌كاریێ دا سێبه‌را خوە دبینمه‌ڤه.
ته‌كه‌زكر ژبلی هه‌لبه‌ست و شانۆ و شێوه‌كاریێ ده‌مه‌كه وه‌ك ئه‌كته‌ر ئه‌زموونه‌كا نوو و حه‌زه‌كا من ژ به‌ر كو شیان هه‌نه ل ده‌ف من و سه‌ركه‌فتنێ به‌رده‌وام بزاڤ دڤێت و هه‌رده‌ما ئه‌كته‌ر شیا رۆلی خوه ب دروستی ئه‌نجام بده‌ت وی ده‌می سه‌ركه‌فتن ل به‌رامبه‌ر مرۆڤیه ب خوشحالیڤه ل دراما به‌خته باران بۆ ئێكه‌م ئه‌زموون و جار وه‌ك ئه‌كته‌ر پشكدار بووم، هه‌ر كاره‌كێ مرۆڤ بكه‌ت مرۆڤ نه‌شێت ده‌ستبه‌رداری بیت هه‌موو كار وه‌ك زارۆكێن خوه خوش دڤێن له‌ورا كارێن من یێن هونه‌ری وه‌ك زارۆكێن منن و نه‌شێم ده‌ستا ژێ به‌رده‌م .
