شەل و شەپكێن كوردی ل زاخۆ دبنە فێستیڤالا كولتووری و گەشەیا كەرتێ گەشتیاری
عەبدولرزاق نهێلی
زاخۆ پشتی بوویە ئیدارەیا سەربخۆ و ب پالپشتی و ب میكانزم و پلانێن ستراتیجی و رێكخستی ژ لایێ حوكمەتا هەرێما كوردستانێ و پشتەڤانیا ئێكسەر یا جەنابێ سەرۆك وەزیران رێزدار/ مەسرۆر بارزانی و هەمی سازیان ڤە وەكو تیم پێكڤە كاردكەن هەولان پێشكێشكڕنا باشترینی دكەن و ئەڤرۆ؛ گاڤا دهاڤێن داكو سوبەهی بكەنە باز و بەر ب پێشەرۆژەكا گەشتر ڤە ببەت و تایبەت د بیاڤێ گەشتوگوزارێ دا؛ پلانێن مەزن دیاردبن و گەڕا چارێ یا فێستیڤالا شەل و شەپكان، كو ل بەرە ل ئەڤرۆ 10_11 هەیڤا 6 یا 2026 بهێتە گێران دەرگەهەكە بۆ دانەسینا كولتوور و كەلەپۆرێ كوردی و پتر راكێشانا گەشتیارا و زێدەبازی ڤەدیتنا بازارێ فرۆتنا شەل و شەپكان و دوبارە ڤەژاندنا خۆدان پیشەێن وان و ژ نێزیك فێستیڤالەكا دی یامەزن ل سنووری ئیدارەیا سەربخۆیا زاخۆ دێ هێتە گێران و ب ڤێ چەندێ دێ بزاڤا گەشتوگوزارێ خورت بیت و ب هزاران دەلیڤەیێن كاری بۆ گەنجێن لاوێن دەڤەرێ پەیدابن ب رێكێن جودا جودا.
و ئەڤ جۆرە چالاكییە د بنەرەت دا دبنە هێڤێنێ ڤەژەنا كەرتێ گەشتوگوزارێ و سەرنجا جیهانا ژ دەڤە رادكێشێت و سیناهێین باشن ژبۆ رۆناهیا پاشەرۆژێ ب گشتی.
ب پێدڤیەكا سەردەم دزانم كو ل دەڤەرێن دی یێن هەرێما كوردستانێ گرنگیێ بدەنە چالاكیێن كولتووری و هونەری و ژینگەهی و ئەڤ چەندە دێ بیتە فاكتەرەكێ ب هێز یێ گەشەیا كەرتێ گەشتوگوزارێ ل هەرێما كوردستانێ.
ژ مفایێن فیسەیڤالا شەلوشەپكان:-
١- پاراستنا شەل و شەپكا بۆ نفشێ داهاتی.
٢- ڤەدیتنا بازارێ خۆدان پیشەیێن چێكرنا شەل و شەپكان و بەردەوامیدان ب چێكرنێ.
٣-نیشادانا كولتوور و كەلەپۆرێ كوردی بۆ گەشتیار و مێڤانێن سەرەدانێ دكەن.
٤- راكێشانا گەشتیارا بۆ دەڤەرێ.
٥- ڤەلڤینا كەرتێ گەشتوگوزارێ ل كەرتێ تایبەت.
٦- پەیدابوونا چەندین دەلیڤەیێن كاری بۆ وەلاتییان.
٧- تێكهەلبوونا دابونەریتان ژ لاێێ گەشتیار و سەردانكەر و وەلاتیان ڤە.
٨- دانەنیاسینا زاخۆ ب شێوەكێ باشتر بۆ گەشتیاران؛ ب رێكا گێڕانا فێستیڤالێ.
٩- لێكنێزیكبوونا نەتەوەیان ژ لاێێ كولتووری ڤە.
١٠- پەیداكرن و موكومكرنا پەیوەندیێن جڤاكی ژلایێ وەلاتییان و مێڤانێن سەرەدانێ و گەشتیاران.
١١- هاتنا دراڤەكێ باش بۆ زێدەتر ژ 18 تەخ و چینا ب رێیا بازاركرنێ.
١٢- گرێدانا وەلاتییان ب پیرۆزیێن وەلاتی ب گشتی.
پلانەكا ستراتیجی یا نایابە و هیڤیا بەردەوامیێ و بەرفەرەهبوونا بابەتێن دهێنە نیشادان ب شێوەكێ باشتر و ببیتە فێستیڤالەكا نیڤدەلەتی ل سەر ئاستێ كوردستانێ و ئیراقێ داكو پتر كولتوور و كەلەپۆرێ نەتەوا كورد نیشا جیهانێ بهێتەدان زێدەبارێ سەرنجا دونیایێ بۆ گەشتكرنێ ل كوردستانێ و گەشەكرنا ئابوورێ كەرتێ گەشتوگوزارێ و كوردستان ببیتە خۆدان ئابوورەكێ بهێزتر و وەلات هەر یێ ئاڤەدان بیت.
* بكالوریۆس ب زانستێن گەشتیاری