شەکر و خوێ دوژمنێن سەرەکی یێن گولچیسکا چاندینە
د.شاکر سلیم بالندی، تایبەتمەندێ نشتەرگەری و چاندنا گۆلچیسکا دیارکر ئەو کەسێن گۆلچیسکێن خۆ ژ دەستددەن یان لاواز دبن، دەمێ گولچیسک کێمتر ژ 10% کارێن خۆ دکەن، ئەم دبێژن یا لاوازە، و گۆت: نەخۆش دێ هەست ب بهێنتەنگیێ کەت و خوینا وی دێ کێم بیت و رەنگێ وی زەربیت و بێهێزبیت و شیانێن هاتنوچوونێ دێ کێم بن، و ب ئەنجامدانا پشکنینان دێ دیاربیت، یان دێ پێدڤی ب شووشتنێ بیت یان گۆلچیسک بو بهێتە دانان، و گۆتژی: ئەو کەسێن نشتەرگەریێن گۆچیسکان ئەنجامداین، خۆارنێن شەکر دناف دا بو وان د خرابن، چونکو دێ پتر د بەرهەفبن بو نەخۆشیا شەکرێ، و هەروەسا خوێ چونکو ئەوژی دێ فشارا خوینێ زێدەکەت و ئەگەر شەکر و فشارا خوینێ زێدەبوون، هەردو دێ بنە ئەگەرێ دوبارە ژ دەستدانا گۆلچیسکێ.
د.شاکر سلیم بالندی دیارکر ژی هەر خوارنەکا شەکرا وی زێدەنەکەت و یا خوێ ژی کێم بیت دشێت هەمی خوارنێن دی بخۆت، دا بشێت گۆلچیسکا خۆ ب پارێزیت و گۆت: پێدڤیە ئاڤێ گەلەک ڤەخۆت، و خۆ تێهنی نەکەت و پێدڤیە خو ژ ڤەخارنا کحول و جگارا و نارگیلێ دویربکەت و وەرزشەکا کێم بکەت دێ باش بیت، و نەیا بهێز بیت، پشکنین پێدڤیە بەردەوام بو بهێنەکرن، بەردەوام نۆشدارێ خۆ ببینیت، ژبەر پشکنینا و کارکرنا گۆلچیسکان، و فشارا خوینێ بەردەوام بو بهێتەگرتن و شەکر ژی، و گۆتژی: پێدڤیە ئەف نەخۆشە بەردەوام خۆ پارێزیت، ئەگەر تا یان زکچوون و پەرسیڤ لێ دیاربوون سەرەدانا نۆشدارێ خۆ بکەت دا چارەسەریا پێدڤی بو بهێتەکرن، چونکو ڤان نەخۆشان چارەسەریێن تایبەت ددەینێ و بەرگریا وان لاواز دبیت، ئەگەر نەخۆشیەکا بچووک ژی هاتێ زوی چارەسەریا خۆ نەکەت، رەنگە بو وی یا گران بیت، تشتێ گرنگ سێ جورێن چارەسەریێن گرنگ هەنە پێدڤیە بەردەوام بخۆن، ئەوێن بەرگریاوی لاواز دکەن دا گۆلچیسکا وی نەهێتە رەفزکرن، چارەسەریێن فتریاتاو هەودانا بخۆت، نابیت چ چارەسەریا بێ نۆشدارێ خۆ بخۆت.
