عه‌لى عه‌ونى:ل ڤان 26 سالێن بورى کوردستان بوویە ئه‌گه‌رێ ئارامیا ڤێ ده‌ڤه‌رێ
ئه‌ڤرۆ نیۆز،ره‌مه‌زان هه‌رنى:
عه‌لى عه‌ونى ئه‌ندامێ سه‌ركرداتیا پارتى دیموكراتى كوردستان و به‌رپرسێ لقێ 10 ل سوران بۆ ئه‌ڤرۆ نیۆز ئاشكراكر،کو ئیران و توركیا باش دزانن ل سه‌د سالێن بورى وان ئه‌ردێ کوردان یێ داگیر كرى و زولم و غه‌درەکا مەزن یا ل مللەتێ مە كرى،له‌ورا هه‌ردو وه‌لات حه‌ش ئێك ناكه‌ن،لێ بۆ دژایه‌تیا كوردستانێ بووینه دوست و سه‌ره‌دانا ئێكدو دكه‌ن،هەر چەندە چۆ جارا كوردستان پارچه‌ك نه‌بوویه ژ ئیرانێ و توركیا ئه‌ڤرۆ ژى وان چاڤ ب ڤێ كوردستانا ئارام رانابن و نه‌چارن سه‌ره‌ده‌ریێ ل گه‌ل ده‌وله‌تا سه‌ربه‌خویا كوردستانێ بكه‌ن.
ئه‌ندامێ سه‌ركرداتیا پارتى دیموكراتى كوردستان خویاكر ژی،كوردستان ل ده‌مێ 26 سالێن بورى بوویه ئه‌گه‌رێ ئارامیا ڤێ ده‌ڤه‌رێ و ب گشتى 500 كومپانیێن ئیرانێ گازنده ژ ژۆرا هه‌ڤپشكا بازرگانیا عیراق و ئیرانى كرینه كو پێخه‌مه‌ت سیاسه‌تا هه‌وه ئه‌م زه‌ره‌رمه‌ند بووینه كو دیاركریه ئێك ل سه‌ر سێ یا به‌رهه‌مێن مه ل كوردستانێ دهێته فروتن هه‌یڤانه ئه‌م 600 ملیون دۆلارا زه‌رمه‌ندێن ئالوزیا وه‌لاتێن عیراقێ و ئێرانێ نه ل گه‌ل كوردستانى ۆ داخواز كریه كو سیاسه‌ت نه‌بیته سه‌ده‌مێ راگرتنا وارێ بازرگانیا سنوران.
به‌رپرسێ لقێ 10 خویاكر ژى ،عیراق ره‌نگه تاراده‌یه‌كێ یا په‌شیمان بیت ل وان هه‌ره‌شه و گه‌فێن كول كوردستانێ كرین، ژبه‌ركو رۆژانه نه‌رمیه‌ك ب وان ڤه دیاردبیت و په‌شیمانن ل وێ چه‌ندا كرى به‌لێ ره‌نگه شه‌رم بكه‌ن خۆ دیار بكه‌ن كو ئه‌م په‌شیمانین،لەورا ئه‌وا هه‌تا نوكه وان ل گه‌ل كوردستانێ كرى ژ نه‌ڤیانێ بوویه،به‌لێ گه‌له‌ك نه‌مایه عیراق و ئه‌وێن دژى كوردستانێ كاردكه‌ن دێ گرنگیا كوردستانێ زانن ل ناڤبه‌را هه‌میان دا كوردستان دێ بیته ده‌وله‌ته‌كا سه‌ربه‌خو ل ده‌مه‌ك نێزیك.
