عه‌لى عه‌ونى:کوردستان نازڤریته‌ڤه به‌رى هه‌لبژاردنێن ریفراندۆما سه‌ربه‌خویێ
ئه‌ڤرۆ نیۆز،ره‌مه‌زان هه‌رنى :
ئه‌ندامێ سه‌ركرداتیا پارتى دیموكراتى كوردستان خویاكر،سه‌ركرداتیا عیراقێ ب گشتێ خوه نه‌زان نیشان دده‌ن،ژبه‌ركو دزانن كوردستان پشتى 25/9 ده‌ربازى قوناغه‌كا نوو بوویه نازڤریته‌ڤه به‌رى هه‌لبژاردنێن سه‌ربه‌خوه‌یا كوردستانێ كو رێژا 92% یا خه‌لكى ده‌نگ دایە بۆ سه‌ربه‌خویا كوردستانێ و ئه‌ڤرۆ عیراق نه‌شێت خوه ب سه‌پینیت ب سه‌ر خه‌لكێ كوردستانێ دا ب رێیا گرتنا هێلێن ئه‌سمانى و ئاڤى و هشكاتى.
عه‌لى عه‌ونى ئه‌ندامێ سه‌ركرداتیا پارتى دیموكراتى كوردستان و به‌رپرسێ لقێ 10 ل سوران بۆ ئه‌ڤرۆ نیۆز ئاشكرا كر،پشتى ریفراندۆما سه‌ربه‌خویا كوردستانێ ئاراسته‌یێن جیهانى هه‌موو هاتینه گوهۆرین ل گه‌ل كوردستانێ و پتریا وان گوهۆرینا ل به‌رژوه‌ندیا سه‌ربه‌خویا كوردستانێ دانه و چۆ وه‌لاته‌كێ هێز ب كارنه‌ئینایه وه‌ك نه‌رازیبوون ل دژى كوردستانێ،هەروەسا چۆ وه‌لات ژى ناهێت ده‌وله‌تێ وه‌ك دیارى ب قه‌فتێن گولا پێشكه‌شى مه بكه‌ن، له‌ورا پێدڤیه ئه‌م ب خوه بزاڤێن ب ده‌ست ڤه‌ئینانێ بكه‌ین،چونکی چۆ ده‌وله‌ت ژى بێ قوربانى و به‌رخودان نه‌هاتینه دامه‌رزاندن،لێ ب گشتى هه‌لویستێ هه‌موو جیهانێ جودا ل به‌رى رێفراندومى هاتیه گوهۆرین و د به‌رژوه‌ندیا كوردستانێ دا نوكه یێ ده‌ربازدبیت،ئه‌ڤرۆ ب گشتى باس ل گرنتیا كوردستانێ دهێته كرن وه‌ك وه‌لاته‌ك سه‌ربه‌خو.
