عه‌لى غۆريللا هاته ده‌سته‌سه‌ركرن
ئه‌ڤرۆنيۆز:
فه‌رمانده‌يا ئۆپه‌راسيۆنێن به‌غدا ده‌سته‌سه‌ركرنا عه‌لى غوريللا به‌لاڤكه‌رێ سه‌ره‌كيێ مادێن بێهوشكه‌ر ل به‌غدا راگه‌هاند.
ل دووڤ به‌ياننامه‌كا فه‌رمانده‌يا ئۆپه‌راسيۆنێن به‌غدا پشتى دووڤچوونه‌كا هوور، هێزێن ب سه‌ر وێ فه‌رمانده‌يێ ڤه شيان به‌لاڤكه‌رێ غورێللاى ل ده‌ڤه‌را نه‌هره‌وان ل باشوورێ به‌غدا ده‌سته‌سه‌ربكه‌ن كو 660 حه‌بكێن بێهوشكه‌ر دگه‌لدا بوون ل ده‌مێ ده‌سته‌سه‌ركرنێ.
دوێ به‌ياننامێ دا هاتيه ژى كو دو كه‌سێن دى يێن ده‌ست دفرۆتن وبه‌لاڤكرنا مادێن بێهوشكه‌ر دا هه‌ى هاتن ده‌سته‌سه‌ركرن ل خاله‌كا پشكنينێ ل جادا فلستين ل رۆژهه‌لاتێ به‌غدا، زێده‌بارى ده‌سته‌سه‌ركرنا دو تۆمه‌تبارێن دى ب تۆمه‌تا بكارئينان وبه‌لاڤكرنا مادێن بێهوشكه‌ر ل ده‌ڤه‌را جادريێ ل به‌غدا.
