عيراق دانپێدانێ ب تاقيكرنێن ل ناڤ مووسل دهێنه‌ كرن ناكه‌ت

وه‌زاره‌تا په‌روه‌ردێ ل عيراقێ راگه‌هاند كو ئه‌و دانپێدانێ ب ئه‌زمونێن ل مووسل دهێنه‌ ئه‌نجام دان ناكه‌ت و ئه‌و سه‌رپه‌رشتيا بۆ دهێته‌ كرن نه‌يا دروسته‌.

ئاخفتنكه‌رێ ب ناڤێ وه‌زاره‌تا په‌روه‌ردا عيراقێ سه‌لامه‌ حه‌سه‌ن د داخۆيانيه‌كا رۆژنامه‌ڤانى دا راگه‌هاند كو نووچه‌يێن نه‌يێن دروست يێن به‌لاڤ بووين كو ل هنده‌ك پارێزگه‌هان و ب تايبه‌ت مووسل ل دۆر سه‌رپه‌رشتيا ئه‌زمونان كو وه‌زاره‌تا په‌روه‌ردێ سه‌رپه‌رشتيێ دكه‌ت و پرسيار يين ژ به‌غدا چووين و دێ ده‌فته‌ر ڤه‌گه‌رنه‌ به‌غدا و سالا بۆرى يا نه‌كه‌فتنێ بوو.

حه‌سه‌ن گۆت: “بڕيارا حوكمه‌تا عيراقێ يا ئاشكه‌رايه‌ كو دڤێت تاقيكرنێن وێ پارێزگه‌هێ ل ژ ده‌رڤه‌ى پارێزگه‌هێ بهێنه‌ كرن، يان هه‌رێما كوردستانێ يان ژى كه‌ركووك و حوكمه‌تا عراقێ يا پابه‌نده‌ ب ڤێ بڕيارێ”.

ئاماژه‌ ب وێ چه‌ندێ ژى كر كو وه‌زاره‌تێ بڕيار ژى يا داى كو ئه‌و قوتابيێن ل ده‌ڤه‌رێن ژ ده‌رڤه‌ى ده‌سته‌لاتا حوكمه‌تێ وه‌كو مووسل و سه‌لاحه‌دين و ئه‌نبار نه‌ د پێگيرن ب ماوێ ده‌وامێ و دێ بۆ وان 100% ل سه‌ر تاقيكرنا دووماهيا سالێ بيت وه‌كو به‌رچاڤ وه‌رگرتن ژ ئه‌و ره‌وشا نوكه‌ هه‌ى.

کۆمێنتا تە