عیراقێ داهاتێ نەفتا هەیڤا بوری ئاشکرا کر
ئەڤرۆ نیوز:
وەزارەتا نەفتا عیراقێ رێژا هنارتن و داهاتێ نەفتا هەیڤا خزیرانا بوری بەلاڤکر و تێدا هاتیە، د هەیڤا خزیرانێ دا پتری ٨٤ ملیۆن بەرمیلێن نەفتێ هاتینە هنارتن و داهاتێ وێ ژی گەهشتیە پتری دو ملیار و ٨۰۰ ملیۆن دۆلاران.
وەزارەتا نەفتا عیراقێ راگەهاند ژی: ل هەیڤا بوری ٨٤ ملیۆن و ٤٨٩ هزار و ١٦ به‌رمیلێن نه‌فتا خاڤ هاتینە شاندن و سەرجەمێ گشتی یێ داهاتێ فرۆشتنا وان ژی ٨٧١ ملیۆن و ٣١٤ هزار و ٤٧٣ دۆلار بووینه.
هەروەسا گۆتیە: د هەیڤا بوری دا چ نەفتا خاڤ ل زەڤیێن نەفتا گەیارە دا بۆ ئوردن نەهاتیە شاندن، دیسان ل هەیڤا بوری، تێکرایا بهایێ ئێک بەرمیلێ نەفتێ ب ۳۱ دۆلار و ۹٨٤ سەنتان بوویە.
