عیراقێ پلێتا سیێ یا ئولومپیادا مسوگەر کر
ئەڤرۆ نیوز، زنار:
ھەلبژارتیێ تەپا پێ یا عیراقێ یێ ئولومپی شیا پلێتا سیێ بۆ دەربازبون بۆ ئولومپیادێن ریو دی جانێرو یا بەرازیل مسوگەر کر پشتی سەرکەفتن ل سەر ھەلبژارتیێ قەتەر تومارکری ب دو گۆلان بەرامبەر گۆلەکێ و رێزا سیێ د قارەمانیا ئاسیا دا مسوگەر کری.
د نیڤا ئێکێ دا ھەلبژارتیێ قەتەر شیا باشتر یاریێ بکەت و گۆلەکێ ژی ب رێکا یاریکەرێ خوە ئەحمەد عەلائەدین توماربکەت ل دەقیقەیا ٢٧ و پشتی ڤێ گۆلێ ھەلبژارتیێ عیراقێ باشتر یاری کر و شیان چەندین دەلیڤەیێن گۆلان ژ دەست بدەن و نیڤا ئێکێ ب ڤی ئەنجامی بدووماھی ھات.
د نیڤا دویێ دا ھەلبژارتیێ عیراقێ ب پلانەکا جودا یاری کر و چەندین گۆھوۆرین کرن و ئەڤ گوھۆرینە بونە ئەگەرێ وەکھەڤیا ئەنجامێ یاریێ دەمێ ل دەقیقەیا ٨٦ موھەنەد عەبدولرەحیم شیای گۆلا وەکھەڤیێ توماربکەت.
د دەمێ زێدەکری دا یێ یاریێ ئەیمەن حسێن شیا گۆلا دویێ و سەرکەفتنێ بۆ ھەلبژارتیێ عیراقێ توماربکەت و ب ڤی ئەنجامی ھەلبژارتیێ ئولومپیی عیراقێ شیا پلێتا سیێ و دووماھیێ بۆ خوە مسوگەر بکەت بۆ دەربازبون بۆ ئولومپیاجێن ریو دی جانێرو.
